CA परीक्षार्थींसाठी ICAI चे लाइव्ह कोचिंग

CA Live Coaching Class 2021: इन्स्टिट्यूट ऑफ चार्टर्ड अकाउंटंट्स ऑफ इंडिया (ICAI) द्वारे सीए नोव्हेंबर परीक्षा २०२१ साठी सोमवारपासून ऑनलाइन शिकवणीची सुरूवात झाली आहे. नोव्हेंबर २०२१ परीक्षेत सहभागी होणाऱ्या इंटरमीडिएट आणि फायनल कोर्सच्या विद्यार्थ्यांसाठी लाइव कोचिंग क्लास बॅच ३ चे आयोजन करण्यात आले आहे. या व्यतिरिक्त मे २०२२ परीक्षेत सहभागी होणाऱ्या उमेदवारांसाठी देखील लाइव्ह कोचिंग क्लास आयोजित करण्यात येत आहे. या संबंधी ८ मे २०२१ रोजी अधिकृत संकेतस्थळ icai.org वर एक नोटीस जारी करण्यात आली होती, यात म्हटले होते की विद्यार्थी live.icai.org/bos/vcc/ किंवा ICAI CA YouTube चॅनेल वर जाऊन १० मे पासून लाइव्ह क्लासमध्ये सहभागी होऊ शकतील. वर्गांचे आयोजन दोन सत्रात करण्यात आले आहे. इंटरमीडिएट कोर्ससाठी पहिल्या सत्राचे वर्ग सकाळी ७ ते ९.३० वाजेपर्यंत तर दुसऱ्या सत्राचे वर्ग सायंकाळी ६ ते रात्री ८.३० वाजेपर्यंत आयोजित करण्यात येत आहेत. फायनल कोर्सच्या पहिल्या सत्राचा वर्ग सकाळी ७ ते १० आणि दुसऱ्या सत्रातील वर्ग सायंकाळी ६ ते रात्री ९ पर्यंत होतील. या लाइव्ह वर्गांचे आयोजन १० मे ते ३१ मे २०२१ पर्यंत केले जाईल. अधिक माहितीसाठी अधिकृत संकेतस्थळाला भेट द्यावी. वेबसाइट वर पेपर आणि टॉपिकनुसार, तपशीलवार वेळापत्रक उपलब्ध करण्यात आले आहे. दरम्यान, आयसीएआयने २१ आणि २२ मे पासून सुरू होणाऱ्या फायनल आणि इंटरमीडिएट कोर्सची सीए मे परीक्षा २०२१ स्थगित केली आहे. यासंबंधी अधिकृत वेबसाइट वर २७ एप्रिल २०२१ रोजी एक परिपत्रक जारी करण्यात आले आहे. देशभरात करोना व्हायरस महामारीच्या वाढत्या रुग्णसंख्येच्या पार्श्वभूमीवर हा निर्णय घेण्यात आला आहे. या परिपत्रकात सांगितले आहे की परीक्षेची नवी तारीख विद्यार्थ्यांना किमान २५ दिवस आधी कळवली जाईल. परीक्षेसंबंधी अद्ययावत माहितीसाठी विद्यार्थ्यांनी अधिकृत वेबसाइटला नियमितपणे भेट देत राहावी.

from Career News in Marathi: Career News, मराठी Career बातम्या | Maharashtra Times https://ift.tt/3f7tDMn
via IFTTT