CBSE 10th result 2021: विद्यार्थ्यांनी शालांतर्गत परीक्षाच दिली नसेल तर दहावीचे मूल्यांकन कसे? ... बोर्डाने सांगितले

CBSE 10th board assessment process 2021: केंद्रीय माध्यमिक शिक्षण मंडळाचा (CBSE) इयत्ता दहावीचा निकाल (CBSE 10th Resule 2021) इंटरनल असेसमेंट आणि प्री-बोर्ड परीक्षेच्या आधारे तयार केला जात आहे. पण अनेक शाळांमध्ये अशी अडचण येत आहे की अनेक विद्यार्थ्यांनी शाळेत घेतलेली चाचणी परीक्षा किंवा प्रिलिम्स दिल्या नव्हत्या. अनेक शाळांमध्ये सर्व विषयांच्या परीक्षा झालेल्या नाहीत. अशा परिस्थितीत या विद्यार्थ्यांचे मूल्यांकन (CBSE 10th evaluation 2021) कसे केले जावे, याबाबतचे निर्देशही सीबीएसई बोर्डाने जारी केले आहेत. केंद्रीय माध्यमिक शिक्षण मंडळाने (CBSE) सर्व संलग्न शाळांना त्यांची निकाल समिती तयार करण्यास सांगितले आहे. इंटरनल असेसमेंट न झालेली असल्यास किंवा कुठल्या चाचणीत विद्यार्थी सहभागी झाले नसतील तर अशा वेळी ही समिती त्या शाळेच्या विद्यार्थ्यांना गुण देण्यासाठी फॉर्म्युले आणि मापदंड तयार करेल. त्यांचे मूल्यांकन एकूण ८० गुणांसाठी करण्यात येईल. दिल्लीच्या सर्व सरकारी शाळा (Delhi Govt Schools) सीबीएसई बोर्डाशी संलग्न आहेत. बहुतांश शाळांमध्ये ही समस्या निर्माण झाली आहे. म्हणूनच दिल्लीच्या शिक्षण संचालनालयाने अशा शाळांसाठी एक समान मूल्यांकन प्रक्रिया जारी केली आहे. दिल्लीच्या शिक्षण विभागाने या शाळांना वन-टू-वन असेसमेंट घेण्याचे निर्देश दिले आहेत. ही असेसमेंट फोन कॉल्स द्वारे होणार आहे. दिल्लीत दहावीच्या प्री-बोर्ड परीक्षेत गणिताची परीक्षा होऊ शकली नव्हती. कोविड-१९ च्या वाढत्या संसर्गामुळे ही परीक्षा स्थगित करण्यात आली होती. अशा परिस्थितीत शाळांना सांगण्यात आले आहे की त्यांनी सीबीएसईच्या मागील वर्षाच्या फॉर्म्युलाच्या आधारे गणिताचे गुण द्यावेत. म्हणजेच जर विद्यार्थ्याने संपूर्ण वर्षात गणिताच्या चार परीक्षा दिल्या असतील तर त्याचे बेस्ट तीनचे गुण, जर तीन परीक्षा दिल्या असतील तर सर्वोत्तम दोन परीक्षांमधील गुणांच्या आधारे सरासरी गुणांकन दिले जाणार आहे. जे विद्यार्थी संपूर्ण वर्षात जर एखाद्या विषयाची एकही परीक्षा देऊ शकले नसतील तर त्यांचे मूल्यांकन फोन कॉल वर केले जाईल. सोबतच शाळांना मूल्यांकन करताना बोर्डाला संबंधित कागदपत्रे सप्रमाण सादर करावयाची आहेत.

from Career News in Marathi: Career News, मराठी Career बातम्या | Maharashtra Times https://ift.tt/3eCIWO2
via IFTTT