HSC Exam Question Bank: बारावीची विषयनिहाय क्वेश्चन बँक जाहीर

Maharashtra Board 12th Exam Question Bank: महाराष्ट्र राज्य शैक्षणिक संशोधन आणि प्रशिक्षण परिषदेने (SCERT) इयत्ता बारावीची परीक्षा देणाऱ्या विद्यार्थ्यांसाठी विषयनिहाय प्रश्नपेढी (Question Bank) उपलब्ध केली आहे. विद्यार्थी परिषदेच्या अधिकृत संकेतस्थळावरून या प्रश्नपत्रिका डाऊनलोड करू शकतात. जे विद्यार्थी यंदा बारावीची परीक्षा देणार आहेत, त्यांच्यासाठी ही क्वेश्चन बँक खूपच उपयोगी ठरणार आहे. महाराष्ट्र स्टेट काउंसिल ऑफ एजुकेशन रिसर्च अँड ट्रेनिंग (SCERT) ची वेबसाइट https://maa.ac.in वर जाऊन हे प्रश्न डाऊनलोड करता येतील. ही क्वेश्चन बँक इंग्रजी, मराठी आणि उर्दू अशा तीन भाषांमध्ये आहे. महाराष्ट्र बोर्डाने करोना महामारीमुळे यावर्षी बारावीच्या अभ्यासक्रमात २५ टक्के कपात यापूर्वीच केली आहे. या कमी करण्यात आलेल्या अभ्यासक्रमावर ही क्वेश्चन बँक आधारलेली आहे. एससीईआरटीने म्हटले आहे की या क्वेश्चन बँकच्या मदतीने बारावीचे विद्यार्थी अपडेटेड सिलॅबस आणि मार्किंग स्कीम समजू शकतील. महाराष्ट्रात करोना महामारीमुळे दहावीची परीक्षा रद्द करण्यात आली आहे, तर बारावीची परीक्षा लांबणीवर पडली आहे. बारावीच्या परीक्षांचे सुधारित वेळापत्रक अद्याप जाहीर करण्यात आलेले नाही. क्वेश्चन बँक पुढील पद्धतीने डाऊनलोड करता येईल - - सर्वात आधी अधिकृत वेबसाइट maa.ac.in वर जा - होम पेज वर ‘Question Bank’ लिंक वर क्लिक करा - आता बारावी इयत्ता निवडा - विविध विषयांची क्वेश्चन बँक यादी स्क्रीन वर दिसेल - आता तुम्हाला हवा तो विषय निवडा आणि त्याची क्वेश्चन बँक डाऊनलोड करा या विषयांची क्वेश्चन बँक जारी महाराष्ट्र एससीईआरटीने भौतिकशास्त्र, रसायनशास्त्र, जीवशास्त्र, इंग्रजी, भूगोल, इतिहास, कॉम्प्युटर सायन्स, समाजशास्त्र, सेक्रेटेरियल प्रॅक्टिस, सायकोलॉजी आणि इकोनॉमिक्स आदी विषयांची क्वेश्चन बँक जारी केली आहे. क्वेश्चन बँक पीडीएफ फॉरमॅटमध्ये वेबसाइट वर अपलोड करण्यात आली आहे. विद्यार्थी ती डाउनलोड करून प्रिंटआउट देखील काढू शकतात.

from Career News in Marathi: Career News, मराठी Career बातम्या | Maharashtra Times https://ift.tt/3f4SQHa
via IFTTT