ICSI CSEET Result 2021: सीएस एक्झिक्युटिव एन्ट्रन्स टेस्टचा निकाल जाहीर

CSEET Result 2021: इन्स्टिट्यूट ऑफ कंपनी सेक्रेटरीज ऑफ इंडिया (ICSI) ने सीएस एक्झिक्युटिव एन्ट्रन्स टेस्ट (CSEET) 2021 चा निकाल गुरुवारी २० मे रोजी दुपारी ३ वाजता जाहीर केला. जे उमेदवार ८ आणि १० मे रोजी आयोजित करण्यात आलेल्या परीक्षेत सहभागी झाले होते, ते आपला निकाल आयसीएसआयच्या अधिकृत संकेतस्थळावर पाहू शकतील. आपल्या लॉग इन क्रिडेन्शिअलचा वापर करून अधिकृत वेबसाइट वर निकाल पाहता येईल.. ICSI ने सांगितले आहे की, 'निकाल अधिकृत वेबसाइटवर ई-रिझल्ट-कम-मार्क्स स्टेटमेंट या स्वरुपात उपलब्ध करण्यात आला आहे. उमेदवारांनी हे ध्यानात घ्यावे की त्यांच्या ई-रिझल्ट-कम-मार्क्स स्टेटमेंटची कोणतीही फिजिकल कॉपी जारी केली जाणार नाही.' CSEET परीक्षा २०० गुणांची होती. २०० गुणांसाठी १४० प्रश्न विचारण्यात आले होते. ICSI : निकाल असा पाहा - - सर्वात आधी अधिकृत वेबसाइट isci.edu वर जा. - त्यानंतर होम पेज वर ICSI CSEET रिझल्ट 2021 च्या लिंक वर क्लिक करा. - आता विचारलेली माहिती भरा आणि सबमिट ऑप्शन वर क्लिक करा. - ICSI CSEET रिझल्ट 2021 तुमच्या स्क्रीन वर उघडेल. - आता तुम्ही तुमचा निकाल पाहून डाउनलोड करू शकता आणि भविष्यातील संदर्भासाठी एक प्रिंट आऊटही घेऊन ठेवू शकता. उत्तीर्णतेसाठी किती गुण आवश्यक? उमेदवारांना परीक्षेत उत्तीर्ण होणअयासाठी CSEET पासिंग मार्क्स प्राप्त करायचे आहेत. संस्थेद्वारे ठरवलेल्या निकषांनुसार, उमेदवारांना CSEET परीक्षेत उत्तीर्ण होण्यासाठी एकूण ५० टक्के गुण आवश्यक आहेत. प्रत्येक पेपरमध्ये ४० टक्के गुण आणि एकूण ५० टक्के गुण मिळवणारे उमेदवारच उत्तीर्ण घोषित केले जातील.

from Career News in Marathi: Career News, मराठी Career बातम्या | Maharashtra Times https://ift.tt/3uaoF7i
via IFTTT