CBSE 12th Result: सीबीएसई बारावी मूल्यांकनाचा फॉर्म्युला, निकाल कधी? वाचा...

CBSE 12th Result 2021 Update: केंद्रीय माध्यमिक शिक्षण मंडळाच्या (CBSE) इयत्ता बारावीच्या परीक्षा रद्द झाल्यानंतर आता लाखो विद्यार्थी पालकांचे लक्ष निकालाकडे लागले आहे. बारावीचा निकाल (12th Result 2021) कसा तयार करायचा याचे धोरण धरवण्यासाठी सीबीएसईने १३ सदस्यांची एक समिती शुक्रवारी ४ जून रोजी स्थापन केली आहे. ही समिती १४ जूनपर्यंत आपला अहवाल देणार आहे. बारावीच्या मूल्यांकन पद्धतीचे निकष ठरवण्याचे काम ही समिती करणार आहे. विद्यार्थ्यांचे आरोग्य धोक्यात घालून परीक्षा घेण्याचा प्रश्नच नव्हता. रद्द करणाच्या निर्णयाचे स्वागतच आहे. परीक्षेसंबंधीच्या संबंधित व्यक्तींशी विचारविनिमय करूनच मूल्यांकन पद्धती निश्चित केली जाईल, असे शिक्षणतज्ज्ञांनी सांगितले होते. बोर्ड बारावीच्या मूल्यांकनासंबंधी प्रामुख्याने दोन निकषांवर काम करत आहे. पहिल्या पर्यायात विद्यार्थ्याच्या नववी, अकरावी आणि बारावीच्या अंतर्गत मूल्यमापनाच्या गुणांच्या आधारे निकाल तयार करण्याचा विचार आहे. दुसरा पर्याय दहावीच्या निकालाला वेटेज देऊन आणि बारावीच्या अंतर्गत मूल्यमापनावरून निकाल तयार करणे. सीबीएसई बोर्डाने १ जून रोजी परीक्षा रद्द केल्या. पंतप्रधान नरेंद्र मोदी यांच्या अध्यक्षतेखाली बैठक घेण्यात आली आणि त्यात हा निर्णय झाला. विद्यार्थ्यांचे योग्य, न्याय्य पद्धतीने मूल्यमापन करण्यात येईल असे यानंतर बोर्डाने जाहीर केले. परीक्षा रद्द करण्याचा निर्णय झाल्याच्या दुसऱ्या दिवशी सीबीएसईचे सचिव अनुराग त्रिपाठी म्हणाले, 'पदवी अभ्यासक्रमांची प्रवेश प्रक्रिया सुरू होण्याआधी बारावीचा निकाल जाहीर करण्यात येईल.' पदवी अभ्यासक्रमांची प्रवेश प्रक्रिया साधारणपणे ऑगस्टमध्ये होते. त्यामुळे तत्पूर्वी बारावीचा निकाल लागणे अपेक्षित आहे.

from Career News in Marathi: Career News, मराठी Career बातम्या | Maharashtra Times https://ift.tt/3z91kqb
via IFTTT