CS Exams 2021:आजपासून परीक्षा केंद्र बदलण्याचा पर्याय

2021: आयसीएसआयने सोमवारी ७ जून रोजी घोषणा झालेल्या कोर्सेसच्या विद्यार्थ्यांना परीक्षेच्या तारखांतून दिलासा दिला आहे. यामध्ये फाऊंडेशन, एग्झिक्यूटीव्ह आणि प्रोफशनल कोर्ससचा समावेश आहे. ९ जून रोजी संस्थेने नवी नोटीस जाहीर केली. त्यानुसार १० ऑगस्ट ते २० ऑगस्ट २०२१ पर्यंत प्रस्तावित सीएस परीक्षांसाठी बदलण्याची संधी देण्यात आली आहे. करोना प्रादुर्भावामुळे ज्या विद्यार्थ्यांना आपले परीक्षा केंद्र बदलायचे आहे त्यांना .edu या अधिकृत संकेतस्थळावर जाऊन त्याखाली दिल्या गेलेल्या smash.icsi.in लिंकवर जाऊन अर्ज करु शकता. सीएस परीक्षेचे शहर बदलण्यासाठी एप्लिकेशन विंडो १२ जूनपर्यंत खुली राहील. इंस्टीट्यूट ऑफ चार्टर्ड अकाउंटंट्स ऑफ इंडियातर्फे (ICAI)सीए फाउंडेशन, इंटरमीडिएट आणि अंतिम परीक्षेसाठी विद्यार्थ्यांना परीक्षा केंद्राचे शहर बदलण्याची परवानगी देण्यात आली आहे. ICAI ने अधिकृत संकेतस्थळावर यासंदर्भातील माहिती दिली आहे. यानुसार विद्यार्थी वेगळ्या केंद्रातून सीए फाउंडेशन, इंटर, फायनल आणि पीक्यूसी परीक्षेत बसण्यासाठी अर्ज करू शकतात. संस्थेने सीए जून फाउंडेशन परीक्षेसाठी दोन नवीन परीक्षा केंद्रांची घोषणा केली होती. आधीच घोषणा केलेल्या सीए परीक्षा केंद्राच्या यादीत नवी परीक्षा केंद्र जोडली गेली आहेत. यामध्ये गुजरातमधील पाटन आणि महाराष्ट्रामध्ये मालेगांव यांचा समावेश आहे. केव्हा होणार परीक्षा ? आयसीएआय सीए फाउंडेशन परीक्षा २४ जुलै ते ३० जुलै २०२१ दरम्यान होणार आहे. इंटरमीडिएट परीक्षा (आयपीसी आणि नवीन) ६ ते २० जुलै दरम्यान होईल. जुन्या आणि नवीन पाठ्यक्रमांच्या अंतिम परीक्षेसाठी ५ ते १९ जुलै दरम्यान वेळ निर्धारित करण्यात आली आहे. आयसीएआय जाहीर केलेल्या परीक्षा वेळापत्रकानुसार, सीए फाउंडेशन पेपर- ३ आणि ४ ही परीक्षा २ तासांची असेल. सीए फाइनल (न्यू स्कीम) पेपर - ६ परीक्षा ४ तासांची असेल. इतर सर्व परीक्षा ३ तासांच्या असतील. मॉड्यूल १ ते ५ इंजिनोरिस रीस्क मॅनेजमेंट (IRM)तांत्रिक परीक्षा ५, ७, ९ आणि ११ जुलै रोजी होईल असे संस्थेतर्फे सांगण्यात आले आहे.

from Career News in Marathi: Career News, मराठी Career बातम्या | Maharashtra Times https://ift.tt/2Tkz3wb
via IFTTT