Fit India Quiz 2021: विद्यार्थ्यांसाठी ऑनलाइन क्विझ; ३ कोटी बक्षीस !!

for : तुम्हाला खेळाची आवड आहे का ? तर तुम्हाला रोख रक्कम जिंकण्याची संधी मिळणार आहे. यामध्ये स्पोर्ट्स (Sports)आणि फिटनेस (Fitness)संदर्भातील प्रश्न विचारले जातील. यांची योग्य उत्तरे देऊन तुम्ही स्पर्धा जिंकू शकता. ही ऑनलाईन प्रश्नोत्तर स्पर्धा (Online Quiz Competition)असून भारत सरकारच्या युवा कार्य आणि खेळ विभागाअंतर्गत येणाऱ्या स्पोर्ट्स अथॉरिटी ऑफ इंडिया (SAI) ने आयोजित केली आहे. सर्व राज्ये आणि केंद्रशासित प्रदेशातील शालेय विद्यार्थी यामध्ये सहभागी होऊ शकतात. असे या स्पर्धेचे नाव आहे. या स्पर्धेमध्ये सर्व वयोगटातील विद्यार्थी सहभागी होऊ शकतात. ८ वी आणि त्यावरील वर्गातील विद्यार्थी सहजपणे उत्तरे देऊ शकतील असे प्रश्न यामध्ये विचारले जातील. या प्रश्नोत्तर स्पर्धेसाठी नोंदणी सुरु झाली आहे. तसेच यासाठी ३.२५ कोटी रुपयांपर्यंत बक्षिसे ठेवण्यात आली आहेत. कशी होईल स्पर्धा ? ही स्पर्धा ३ फेऱ्यांची असेल. पहिली फेरी ही एनटीए(NTA)तर्फे ४ सप्टेंबर २०२१ केली जाईल. दुसरी राज्य स्तरीय फेरी होईल. ही १ ऑक्टोबरपासून ३१ ऑक्टोबर पर्यंत असेल. आणि तिसरी राष्ट्रीय स्तरावरील फेरी १ नोव्हेंबरपासून १४ नोव्हेंबरपर्यंत असेल. कोणाला काय बक्षिस ? जिंकणारी शाळा आणि विद्यार्थ्यांना दोन वेगवेगळी बक्षीसं दिली जातील. याव्यतिरिक्त स्पर्धेत भाग घेणाऱ्या शिक्षक आणि पालकांना देखील बक्षीस दिले जाईल. नॅशनल चॅम्पियन -शाळेला २५ लाख रुपये आणि विद्यार्थ्यांना २.५ लाख रुपयांचे बक्षीस नॅशनल राऊंड फर्स्ट रनरअप - शाळेला १५ लाख रुपये आणि विद्यार्थ्यांना १.५ लाख रुपये नॅशनल राऊंड सेकंड रनरअप - शाळेला १० लाख रुपये आणि विद्यार्थ्यांना १ लाख रुपये स्टेट चॅम्पियन - शाळेला २.५ लाख रुपये आणि विद्यार्थ्यांना ५० हजार रुपये स्टेट फर्स्ट रनरअप - शाळेला १ लाख रुपये आणि विद्यार्थ्यांना २५ हजार रुपये स्टेट सेकंड रनरअप - शाळेला ५० हजार रुपये आणि विद्यार्थ्यांना ५ हजार रुपये एनटीए राऊंडमध्ये पात्र झाल्यानंतर शाळेला १५ हजार रुपये आणि विद्यार्थ्यांना २ हजार रुपये मिळणार आहेत. वेगवेगळ्या राउंड्समध्ये भाग घेणाऱ्या शिक्षक आणि पालकांना बक्षिस देण्यासाठी एकूण ९.६९ लाख रुपये ठेवण्यात आले आहेत. कशावर प्रश्न असतील ? भारतीय खेळाचा इतिहास, पारंपारिक खेळ, योग पर्सनालिटी, इ. फिटनेस विषय (भारताच्या पारंपारिक पद्धती). ऑलिंपिक्स(Olympics), कॉमनवेल्थ गेम (Commonwealth Games), एशियन गेम्स (Asian Games), खेलो इंडिया गेम्स स (Khelo India) आणि अन्य लोकप्रिय खेळ. अशी करा नोंदणी साई (Sports Authority of India) च्या या फिट इंडिया क्विज २०२१1 () मध्ये भाग घेण्याकरिता आपल्या शाळेशी संपर्क साधावा. नोंदणी शाळेच्या माध्यमातून केली जाईल. सीबीएसई (CBSE)ने आपल्या शाळांसाठी यासंदर्भातील परिपत्रक जाहीर केले आहे.

from Career News in Marathi: Career News, मराठी Career बातम्या | Maharashtra Times https://ift.tt/3g937Ed
via IFTTT