MHT CET साठी कसा करायचा अर्ज? जाणून घ्या...

Registration:स्टेट कॉमन एंट्रस टेस्ट सेल, महाराष्ट्र ने एमएचटी सीईटी (MHT CET) २०२१ साठी ऑनलाईन रजिस्ट्रेशन प्रक्रिया सुरु आहे. महाराष्ट्र सीईटीसाठी ऑनलाईन अर्ज ८ जूनपासून सुरु झाले आहेत. शैक्षणिक वर्षाच्या पहिल्या वर्षात प्रवेश घेण्यासाठी विद्यार्थी ७ जूलैपर्यंत अर्ज करु शकतात. स्टुडन्ट्स इंजीनियरिंग, टेक्नोलॉजी, फार्माकोलॉजी किंवा एग्रीकल्चर एज्युकेशनमध्ये प्रवेश घेण्यासाठी अधिकृत वेबसाइट mahacet.org वर जाऊन ऑनलाईन अर्ज करु शकता. महाराष्ट्र उच्च व तंत्र शिक्षण मंत्री उदय सामंत ( Education Minister Uday Samant)यांनी एमएचटी सीईटी २०२१ च्या ऑनलाईन नोंदणी आणि अर्जाच्या शेवटच्या तारखेची घोषणा केली. “शैक्षणिक वर्ष २०२१-२२ साठी इंजिनिअरिंग, टेक्नोलॉजी, फार्माकोलॉजी किंवा एग्रीकल्चर एज्यूकेशनचे पहिले वर्ष एमएचटी-सीटी २०२१ प्रवेश परीक्षेसाठी ऑनलाईन अर्ज सुरु असून ७ जुलै २०२१ ही शेवटची तारीख असल्याचे शिक्षणमंत्री म्हणाले. इंजीनियरिंग आणि टेक्नॉलॉजी, फार्मेसी, आणि फार्म डी डिग्री कोर्सेस पहिल्या वर्षामध्ये प्रवेश करण्यासाठी एमएचटी सीईटी महाराष्ट्र राज्य आणि उच्च माध्यमिक शिक्षण बोर्ड (एमएसबीएसएचएसई) वर आधारित असेल. १५ जुलैपर्यत नोंदणी नोंदणी ७ जुलैपर्यंत खुली आहे. तरीदेखील अर्जदार १५ जुलैपर्यंत अर्ज करू शकतो. पण ७ जुलैनंतर अर्जदारांकडून ५०० रुपये लेट फी घेतले जातील. असा करा अर्ज MAHACET अधिकृत वेबसाईट mahacet.org वर जा मुख्यपृष्ठावर जाऊन 'एमएचटी सीईटी २०२१' लिंकवर क्लिक करा. नोंदणीसाठी लागणारी माहिती भरा अर्ज भरल्यानंतर अर्ज शुल्क भरा आणि सबमिट बटणावर क्लिक करा. आपली नोंदणी पूर्ण झाल्यानंतर पुढे जाण्यासाठी कन्फर्मेशनवर क्लिक करा. प्रिंट काढून प्रत आपल्याकडे ठेवा.

from Career News in Marathi: Career News, मराठी Career बातम्या | Maharashtra Times https://ift.tt/3v6NKAq
via IFTTT