अकरावी सीईटीसाठी नवी वेबसाइट; कधीपासून करता येणार नोंदणी?... जाणून घ्या

म. टा. प्रतिनिधी, पुणे अकरावी सीईटीच्या नोंदणीसाठी नवी वेबसाइट तयार झाली असून, या वेबसाइटवर राज्य मंडळाच्या विद्यार्थ्यांना आज सोमवारी २६ जुलैला दुपारी ३ वाजतापासून नोंदणी करता येणार आहे. राज्य मंडळ वगळता इतर मंडळाच्या विद्यार्थ्यांना २८ जुलैपासून नोंदणी करता येईल, अशी माहिती राज्य मंडळाचे सचिव डॉ. अशोक भोसले यांनी रविवारी रात्री दिली. सीईटी नोंदणीबाबत डॉ. भोसले यांनी सविस्तर परिपत्रक प्रसिद्ध करुन माहिती दिली आहे. त्यानुसार विद्यार्थ्यांना https://ift.tt/3BHVHQT या वेबसाइटहून ऑनलाइन पद्धतीने नोंदणी करावी लागणार आहे. विद्यार्थ्यांना २ ऑगस्टपर्यत सीईटीसाठी नोंदणी करता येणार आहे. अकरावी प्रवेशासाठी घेण्यात येणाऱ्या सीईटीसाठी महाराष्ट्र राज्य माध्यमिक व उच्च माध्यमिक शिक्षण मंडळाने तयार केलेली वेबसाइट तांत्रिक त्रुटी आणि सातत्याने हँग होत असल्याने बंद करावे लागले होते. मात्र, आता अकरावी सीईटीच्या नोंदणीसाठी नवी वेबसाइट तयार करण्यात आली आहे. ही वेबसाइट आज सोमवारपासून कार्यान्वित करण्यात येणार आहे. जुन्या वेबसाइटहून सीईटीसाठी साधारण एक लाख ४६ हजार विद्यार्थ्यांनी नोंदणी केलेली आहे. या विद्यार्थ्यांना नव्याने अर्ज नोंदणी करण्याची आवश्यकता नाही. मात्र, अर्ज पूर्ण न करू शकणाऱ्या विद्यार्थ्यांना अर्ज प्रक्रिया पूर्ण करावी लागणार आहे. याबाबतची माहिती अॅप्लिकेशन क्रमांक आणि मोबाइल क्रमांक टाकून मिळवता येणार आहे. सीईटीची नोंदणी करतांना राज्य मंडळाच्या विद्यार्थ्यांना कोणतेही शुल्क नसल्यामुळे त्यांना आजपासून नोंदणी करता येणार आहे. मात्र, अन्य मंडळाच्या विद्यार्थ्यांना १७८ रूपये शुल्क घेण्यात येणार आहे. त्यासाठी पेमेंट गेटवेची सुविधा उपलब्ध होण्यास दोन दिवसांचा कालावधी अपेक्षित आहे. त्यामुळे या विद्यार्त्यांची नोंदणी २८ जुलैलो दुपारी तीन वाजतापासून करता येईल, असे डॉ. भोसले यांनी सांगितले. याबाबत अधिक माहिती राज्य मंडळाच्या वेबसाइटवर उपलब्ध आहे.

from Career News in Marathi: Career News, मराठी Career बातम्या | Maharashtra Times https://ift.tt/3BHTogC
via IFTTT