CBSE Exams 2022: वर्षातून दोन वेळा होणार दहावी-बारावी परीक्षा; सिलॅबसमध्येही कपात

Board Exams 2022: केंद्रीय माध्यमिक शिक्षण मंडळाने (CBSE)दहावी आणि बारावी या शैक्षणिक दृष्ट्या महत्त्वाच्या समजल्या जाणाऱ्या वर्षांसाठी परीक्षांसंदर्भातील मोठा निर्णय घेतला आहे. २०२२ मध्ये बोर्ड परीक्षा कशाप्रकारे होतील, याचा आराखडा सीबीएसईने तयार केला आहे. सीबीएसई बोर्ड 2022 (CBSE Board 2022) मध्ये दोन वेळा परीक्षा घेणार आहे. यासंबंधीचं परिपत्रक बोर्डाने जारी केलं आहे. यात परीक्षा कशा पद्धतीने होईल, सिलॅबस काय असेल, अंतर्गत मूल्यमापनाचे धोरण काय असेल याबाबत सविस्तर माहिती देण्यात आली आहे. २०२१ मध्ये करोना महामारीच्या दुसऱ्या लाटेच्या पार्श्वभूमीवर सीबीएसई दहावी आणि बारावीच्या परीक्षा रद्द करण्यात आल्या होत्या. म्हणूनच २०२२ च्या परीक्षांसाठी बोर्डाने आतापासूनच तयारी सुरू केली आहे. सीबीएसईनुसार, करोनाच्या तिसऱ्या लाटेच्या पार्श्वभूमीवर (Covid 3rd Wave) २०२२ बोर्ड परीक्षांसाठी विशेष स्कीम CBSE Special Scheme 2021-22) तयार केली जाणार आहे. दहावी आणि बारावीच्या परीक्षांना दोन सत्रात विभागण्यात येणार आहे. दोन्ही सत्रांच्या अखेरीस परीक्षा होतील. दोन्हीचा अभ्यासक्रमदेखील ( 2021) वेगवेगळा असेल. परीक्षेचा पॅटर्न कसा असेल? फर्स्ट टर्मच्या अखेरीस बोर्ड टर्म-१ परीक्षा घेईल. ही परीक्षा नोव्हेंबर-डिसेंबर २०२१ या दरम्यान असेल. बहुपर्यायी प्रश्न विचारले जातील. एमसीक्यू आणि रीजनिंग टाइप एमसीक्यू देखील विचारले जातील. प्रत्येक पेपर ९० मिनटांचा असेल. यात टर्म-१ च्या सिलॅबसमधूनच प्रश्व विचारले जातील. म्हणजेच संपूर्ण ५० टक्के सिलॅबसच्या ५० टक्के भागावरचे प्रश्न विचारले जातील. क्वेश्चन पेपर्स सीबीएसईच पाठवणार. विद्यार्थी ज्या शाळांमध्ये शिकत असतील, त्याच शाळेत परीक्षा होईल. परीक्षेच्या पर्यवेक्षणासाठी सीबीएसई बोर्डाद्वारे एक्स्टर्नल सेंटर सुपरिटेंडंट्स आणि ऑब्जर्व्हर्स नियुक्त केले जातील. स्टुडंट्स ओएमआर शीट वर उत्तरे देतील. स्कॅन करून सीबीएसईच्या पोर्टल वर अपलोड केले जाईल. किंवा शाळा मूल्यांकन करून सीबीएसई पोर्टलवर अपलोड करतील. अंतिम निर्णय बोर्डाद्वारे शाळांना सूचित केला जाईल. कसा असेल टर्म-2 परीक्षेचा पॅटर्न टर्म-2 या इयर एंड परीक्षेचे आयोजनदेखील सीबीएसई द्वारेच केलं जाईल. उर्वरित ५० टक्के सिलॅबसमधूनच प्रश्न विचारले जातील. ही परीक्षा मार्च-एप्रिल २०२२ दरम्यान घेतली जाईल. पेपर २ तासांचा असेल. या विविध प्रकारचे प्रश्न विचारले जातील. म्हणजेच एमसीक्यू, लघुत्तरी आणि दीर्घोत्तरी प्रकारचे प्रश्न असतील. करोनामुळे परिस्थिती सामान्य झाली नाही तर, टर्म-2 परीक्षा देखील ९० मिनिटांची असेल. टर्म-1 प्रमाणेच केवळ एमसीक्यू क्वेश्चन्स विचारले जातील. दोन्ही टर्म्सचे गुण विद्यार्थ्यांच्या एकूण बोर्ड निकालात समाविष्ट केले जातील. काय असेल सिलॅबस (CBSE Syllabus 2021-22) सीबीएसईने परिपत्रकात म्हटलं आहे की शैक्षणिक सत्र २०२१-२२ मध्ये मागील सत्राप्रमाणेच सिलॅबस असेल. यंदा देखील दहावी, बारावीच्या सिलॅबसमध्ये कपात केली जाईल. सिलॅबस विस्तृत माहिती जुलै २०२१ cbse.nic.in वर जारी केली जाईल.

from Career News in Marathi: Career News, मराठी Career बातम्या | Maharashtra Times https://ift.tt/36gNt3G
via IFTTT