सावित्रिबाई फुले पुणे विद्यापीठातर्फे UG-PG परीक्षांचे वेळापत्रक जाहीर

Examination: सावित्रीबाई फुले पुणे विद्यापीठाच्या(SPPU)विद्यार्थ्यांसाठी एक महत्वाची बातमी आहे. विद्यापीठातर्फे नुकतेच ऑनलाईन परीक्षेचे निर्देश जाहीर करण्यात आले आहेत. या निर्देशांनुसार SPPU, पदवी, पदव्युत्तर आणि डिप्लोमा ऑनलाईन परीक्षा १२ जुलैपासून सुरु होणार आहे. ऑनलाईन होणारी ही परीक्षा एक तासाची असणार आहे. हे निर्देश परीक्षेला बसणाऱ्या विद्यार्थ्यांनी काळजीपूर्वक वाचावेत असे आवाहन करण्यात आले आहे. सावित्रीबाई फुले पुणे विद्यापीठातर्फे परीक्षा पॅटर्न जाहीर करण्यात आला आहे. यानुसार प्रश्नपत्रिकेत ६० बहुपर्यायी प्रश्न असणार आहेत. ज्यामध्ये विद्यार्थ्यांना केवळ ५० प्रश्नांची उत्तरे द्यावी लागतील. विज्ञान, बीसीए आणि इंजिनिअरिंगच्या प्रोग्रामसाठी गणित आणि सांख्यिकीचे ३० प्रश्न असणार आहेत. विद्यार्थ्यांना त्यातील २५ उत्तर द्यावे लागतील. संबंधित परीक्षा पॅटर्न विद्यार्थ्यांनी काळजीपूर्वक वाचा आणि समजून घ्या. परीक्षेचा ऑनलाईन पॅटर्न समजावा यासाठी एसपीपीयू विद्यार्थ्यांना मॉक टेस्टला बसण्याची संधी देणार आहे. SPPU ऑनलाईन मॉक टेस्ट ८ जुलै ते १० जुलै दरम्यान होणार आहे. परीक्षेच्या दिवशी तांत्रिक अडचणींना सामोरे जाणाऱ्या विद्यार्थ्यांना ऑनलाईन परीक्षेसाठी निर्देश जाहीर करण्यात आले आहेत. यानुसार उत्तर आपोआप सेव्ह होतील. आणि विद्यार्थ्यांना अतिरिक्त वेळ देखील मिळेल. त्यामुळे परीक्षा देताना विद्यार्थ्यांना कोणतीही अडचण येणार नाही. तरीही विद्यार्थ्यांना कोणतीही शंका, अडचणी असल्यास त्यांनी विद्यापीठाची वेबसाईट sps.unipune.ac.in वर लॉगिन करुन आपली तक्रार नोंदवू शकता. विद्यापीठातर्फे तुमच्या शंकांचे निरसन योग्य वेळेत केले जाईल. बातमीखालील लिंकवरुन तुम्ही थेट विद्यापीठाच्या अधिकृत वेबसाईटवर जाऊ शकता. नोंदणी आवश्यक Student Profile System (SPS) वर ऑनलाईन परीक्षेचा फॉर्म (Regular/External) साठी अर्ज करण्याची इच्छा असलेल्या प्रत्येक विद्यार्थ्याला नोंदणी करणे आवश्यक आहे. विद्यार्थी या प्रणाली मध्ये एकदाच प्रोफाइल बनवू शकतात. एकदा प्रोफाइल बनवले की तो विद्यापीठाच्या विविध ऑनलाइन ऍप्लिकेशनमध्ये हीच प्रोफाइल वापरु शकतील. विद्यार्थी हे प्रोफाइल आपल्या अभ्यासक्रमाच्या पहिल्या वर्षापासून पदवीपर्यंत वापरू शकतो. Account बनवताना आधार क्रमांक (भारतीय विद्यार्थ्यांसाठी लागू) / पासपोर्ट क्रमांक (आंतरराष्ट्रीय विद्यार्थ्यांसाठी लागू), ईमेल आयडी आणि मोबाइल नंबर डुप्लिकेट नसावेत. एका विद्यार्थ्याचे केवळ एकच अकाऊंट असावे अशा सूचना विद्यापीठातर्फे देण्यात आल्या आहेत.

from Career News in Marathi: Career News, मराठी Career बातम्या | Maharashtra Times https://ift.tt/3Aocmbw
via IFTTT