आयआयआयटी बंगळुरूत सायबर सिक्युरिटी अभ्यासक्रम

IIIT-Bangalore: इंटरनॅशनल इन्स्टिट्यूट ऑफ इन्फॉर्मेशन टेक्नॉलॉजी ( International Institute of Information Technology Bangalore, IIIT) बंगळुरू आणि नॅशनल पेमेंट्स कॉर्पोरेशन ऑफ इंडिया (National Payments Corporation of India, NPCI) यांनी मिळून सायबर सिक्युरिटीत एक अॅडव्हान्स्ड अभ्यासक्रम (Advanced executive ) सुरू केला आहे. हा अभ्यासक्रम बँकिंग, फायनान्स डोमेन आणि सायबर सिक्युरिटीमध्ये काम करणाऱ्या मिड-लेवल मॅनेजमेंट प्रोफेशनल्ससाठी डिझाइन केला आहे. ज्यांना सायबर सिक्युरिटीचं मुलभूत तांत्रिक ज्ञान आहे, असे उमेदवार हा कोर्स करू शकतील. Simplilearn यांच्या सहकार्याने हा अभ्यासक्रम उपलब्ध करण्यात आला आहे. ९० तासांहून अधिक लर्निंगसह या अभ्यासक्रमात सायबर सिक्युरिटीमधील इंड्रस्टी- स्कील वर आधारित एक अभ्यासक्रमदेखील आहे. या अभ्यासक्रमासाठी प्रवेश घेणाऱ्या विद्यार्थ्यांना एनसीपीआयच्या ३ ते ४ सेशनसह व्हर्च्युअल इंटर्नशिपदेखील करता येणार आहे. या प्रशिक्षणात NPCIचे तज्ज्ञ सहभागी होणार आहेत. हा अभ्यासक्रम यशस्वीपणे पूर्ण करणाऱ्या विद्यार्थ्यांना आयआयआयटी बंगळुरूकडून एक प्रमाणपत्र मिळणार आहे. यासह एनपीसीआय, सिंपललर्न आणि आयआयआयटी बंगळुरूद्वारे संयुक्तपणे एक इंटर्नशिप पूर्ण झाल्यानंतर एक प्रमाणपत्रदेखील मिळणार आहे. यासंबंधी Simplilearn चे प्रमुख प्रोडक्ट ऑफिसर आनंद नारायणन म्हणाले की आज सायबर हल्ल्यांमध्ये होत असलेल्या वाढीच्या पार्श्वभूमीवर सायबर रक्षकांची मागणी वाढत आहे. अशा परिस्थितीत हा एक उत्तम अभ्यासक्रम आहे. यात एनपीसीआयची व्हर्च्युअल इंटर्नशिप आणि डोमेन एक्सपर्ट कडून मिळणाऱ्या मास्टरक्लास सह सायबर सिक्युरिटीचे ज्ञान मिळेल. सोबतच विद्यार्थ्यांना एका चांगल्या करिअरची संधी मिळेल.

from Career News in Marathi: Career News, मराठी Career बातम्या | Maharashtra Times https://ift.tt/2Wx4Egp
via IFTTT