महाविद्यालयांच्या वेबसाइटवर महिला लैंगिक छळाविरोधी माहिती अनिवार्य- यशोमती ठाकूर

Provision: सर्व महाविद्यालयांना आपल्या वेबसाइटवर महिलांच्या लैंगिक छळाविरोधी माहिती देणे अनिवार्य असणार आहे. तसेच महाविद्यालयांच्या प्रवेश पुस्तिकेत देखील यासाठी माहिती देणे बंधनकारक आहे. महिला आणि बालविकास मंत्री एडवोकेट यांनी यासंदर्भातील निर्देश जाहीर केले आहेत. कामाच्या ठिकाणी होणाऱ्या महिलांच्या लैंगिक छळाला आळा बसावा, तसेच याबाबत योग्य जनजागृती व्हावी यासाठी आता महाविद्यालयीन स्तरावर जनजागृती करण्याचा महत्त्वाचा निर्णय महिला आणि बालविकास विभागाने घेतला आहे. कामाच्या ठिकाणी होणारा महिलांचा लैंगिक छळ प्रतिबंध, मनाई आणि निवारण कायदा २०१३ याची विस्तृत माहिती दिली जाणार आहे. महाविद्यालयांना आपल्या प्रवेश पुस्तिकेत आणि वेबसाइटवर महिला लैंगिक छळ विरोधी कायद्याची माहिती देणे २०२१-२२ या वर्षापासून पासून अनिवार्य करण्यात आले आहे . या जनजागृतीमुळे कामाच्या ठिकाणी होणाऱ्या महिलांच्या लैंगिक छळाच्या घटनांना आळा बसेल असा विश्वास अॅड. यशोमती ठाकूर यांनी व्यक्त केला आहे. महिलांचा कामाच्या ठिकाणी होणाऱ्या छळाच्या घटना वारंवार समोर येत आहेत मात्र कित्येकदा महिला अशा लैंगिक छळाच्या घटना घटनांची तक्रार करताना दिसत नाहीत. यामुळे महिलांचे मानसिक आणि शारीरिक खच्चीकरण होत राहते. मात्र त्याविरोधात समोर येऊन आवाज उठवण्यास महिला कचरत असल्याचे चित्र अनेकदा दिसते यासाठी महाविद्यालयीन स्तरापासून जनजागृती करण्यात येणार आहे. वास्तविक कामाच्या ठिकाणी लैंगिक छळ प्रतिबंध,मनाई आणि निवारण कायदा २०१३ लागू करण्यात आला आहे. या कायद्यानुसार महिलांना कामाच्या ठिकाणी होणाऱ्या लैंगिक छळापासून संरक्षण देण्यात आले आहे. मात्र असे असले तरी महिला या कायद्याचा योग्य वापर करताना दिसत नाही. म्हणूनच आता महाविद्यालयीन स्तरावर जनजागृती केल्यास कामाच्या ठिकाणी होणाऱ्या लैंगिक छळाला आळा बसेल असा विश्वास यशोमती ठाकूर यांनी व्यक्त केला.

from Career News in Marathi: Career News, मराठी Career बातम्या | Maharashtra Times https://ift.tt/3gxnfzw
via IFTTT