सिंधुदुर्ग जिल्हा परिषद यांच्या आस्थापनेवर विविध पदांच्या एकूण ७० जागा

Health Department : जिल्हा परिषदेच्या अंतर्गत विविध पदांची भरती केली जाणार आहे. सिंधुदुर्गतील ग्रामीण आरोग्य विभागाच्या प्रशासकीय विभागामध्ये विविध पदांच्या एकूण ७० जागा भरण्यात येणार आहेत. जिल्ह्याच्या अधिकृत वेबसाइटवर यासंदर्भात जाहिरात प्रसिद्ध करण्यात आली आहे. पदांनुसार शैक्षणिक पात्रता, वयोमर्यादा, अनुभव यांचा सविस्तर तपशील जाहिरातीमध्ये देण्यात आला आहे. मार्च २०१९ मध्ये शासनाच्या महाआयटीमार्फत ही जाहिरात प्रसिद्ध करण्यात आली होती. पण तत्कालिन परिस्थितीत महापोर्टल बंद झाल्याने ही प्रक्रिया पूर्ण होऊ शकली नाही. पण ग्रामीण भागातील जनतेचे आरोग्य लक्षात घेता याअंतर्गत फार्मासिस्ट, आरोग्य सेवक, प्रयोगशाळा तंत्रज्ञ आणि आरोग्य पर्यवेक्षक पदांच्या जागा भरण्यात येणार आहेत. यासाठी इच्छुक आणि पात्र उमेदवारांकडून ऑनलाईन पद्धतीने अर्ज मागविण्यात येत आहेत. या भरतीसाठी उमेदवाराचे किमान वय १८ वर्षे तर कमाल वय ४५ वर्षे असणार आहे. या पदभरती अंतर्गत आरक्षित उमेदवारांना सरकारी नियमानुसार सवलत मिळणार आहे. या पदभरतीअंतर्गत मागासवर्गीय उमेदवार, अपंग उमेदवार, प्रकल्पग्रस्त, भूकंपग्रस्त आणि आर्थिक मगास यांना सरकारी नियमानुसार वयोमर्यादेमध्ये शिथिलता देण्यात येणार आहे. अनुकंपा भरती, ग्रामपंचायत कर्मचाऱ्यांमधून १० टक्के नामनिर्देश करणे किंवा इतर कोणत्याही कारणामुळे पदे कमी जास्त होऊ शकतात. मार्च २०१९ च्या जाहिरातीनुसार ऑनलाइन परीक्षेकरीता उमेदवाराला एकापेक्षा अधिक जिल्हा परिषदांच्या परीक्षेसाठी अर्ज करण्याची मुभा होती. पण शासनाचे महापरीक्षा पोर्टल रद्द झाल्याने परीक्षा OMR Vendor मार्फत ऑफलाइन पद्धतीन होणार आहे. या परीक्षा सर्व जिल्हा परिषदांमार्फत एकाच दिवशी होणार आहेत. त्यामुळे उमेदवाराला एकाच जिल्हा परिषदेतून परीक्षा देता येईल. उमेदवारांनी अधिकृत वेबसाइट https://maharddzp.com/ वर जाऊन आपला अर्ज भरायचा आहे. यासाठी अर्ज करण्याची शेवटची तारीख १४ सप्टेंबर २०२१ आहे. अर्ज करण्यापूर्वी उमेदवाराने नोटिफिकेशन काळजीपूर्वक वाचून त्यानंतर अर्ज करावा. अर्जामध्ये काही चूक आढळल्यास अर्ज बाद करण्यात येईल. अर्ज ऑनलाईन माध्यमातून करायचा आहे. उमेदवारांनी दिनांक १ ते २१ सप्टेंबर २०२१ दरम्यान ऑनलाईन पद्धतीने अर्ज करायचा आहे. पर्याय निवडताना काही अडचण आल्यास उमेदवारांना ७२९२००६३०५ या क्रमांकावर संपर्क साधण्याचे आवाहन करण्यात आले आहे. भरती प्रक्रियेमध्ये आवश्यकतेनुसार महत्वाचे बदल करण्याचे अधिकार शासनाकडे आहेत.

from Career News in Marathi: Career News, मराठी Career बातम्या | Maharashtra Times https://ift.tt/3jn3Cfo
via IFTTT