पेटीएम देणार २० हजार नोकऱ्या; ३५ हजार रुपये पगार

डिजीटल पेमेंट आणि वित्तसेवा क्षेत्रात कार्यरत असलेल्या पेटीएमने (Paytm) व्यवसायविस्तारासाठी देशभरात २० हजार नवे कर्मचारी भरती () करायचे ठरवले आहे. विक्री अधिकारी या पदासाठी हे नवे उमेदवार घेतले जाणार आहेत. व्यापाऱ्यांना पेटीएमची डिजीटल पेमेंट सेवा वापरण्याविषयी माहिती देण्याची जबाबदारी या नव्या कर्मचाऱ्यांवर प्रामुख्याने असणार आहे. पेटीएमसारख्या कंपनीने नवे कर्मचारी घेताना तरुण आणि पदवीपर्यंत शिक्षण पूर्ण न केलेल्या उमेदवारांनाही संधी द्यायचे ठरवले आहे. यामध्ये दहावी, बारावी किंवा पदवीप्राप्त उमेदवारांतून कंपनी निवड करणार आहे. यामध्येही महिलांना प्राधान्य दिले जाणार आहे. पेटीएमचे क्यूआर कोड, पॉस मशीन, साऊंडबॉक्स यांसह यूपीआय, पेटीएम पोस्टपेड, व्यापाऱ्यांसाठी कर्जे आणि विमा या सर्व सेवांची माहिती हे नवे उमेदवार व्ापाऱ्यांपर्यंत पोहोवतील. वेतन किती? पेटीएमने नोकरीशी संबंधित एक जाहिरात दिली आहे. त्यानुसार, फिल्ड सेल्स एक्झिक्युटिव्ह (FSE)पदांसाठी मासिक वेतन आणि कमिशन मिळून मासिक ३५ हजार किंवा त्याहून अधिक वेतन मिळण्याची संधी आहे.

from Career News in Marathi: Career News, मराठी Career बातम्या | Maharashtra Times https://ift.tt/37l6qTj
via IFTTT