पालघर ग्रामीण आरोग्य विभागात ४६३ जागा रिक्त

Rural Health Department: जिल्हा परिषदेच्या अंतर्गत विविध पदांची भरती केली जाणार आहे. यासाठी इच्छुक उमेदवारांकडून अर्ज मागविण्यात आले आहेत. या पदासाठी लागणारी शैक्षणिक आर्हता, अनुभव, वयोमर्यादा याचा सविस्तर तपशील अधिकृत वेबसाइटवर देण्यात आला आहे. पालघर जिल्हा ग्रामीण आरोग्य विभागाच्या प्रशासकीय विभागात एकूण ४६३ जागा भरण्यात येणार आहेत. या भरतीअंतर्गत आरोग्य पर्यवेक्षक, औषध निर्माता, प्रयोगशाळा तंत्रज्ञ, आरोग्य सेवक आणि आरोग्य सेविका पदाच्या जागा भरण्यात येणार आहेत. उमेदवारांनी यासाठी १४ सप्टेंबरपर्यंत ऑनलाइन अर्ज पाठवायचा आहे. अर्ज करण्यापूर्वी उमेदवारांनी नोटिफिकेशन काळजीपूर्वक वाचणे गरजेचे आहे. तसेच दिलेल्या नमुन्याप्रमाणे अर्ज करावा. २१ सप्टेंबरनंतर आलेल्या अर्जाचा विचार केला जाणार नाही. या भरती अंतर्गत खेळाडू, माजी सैनिक, महिला, प्रकल्पग्रस्त, भूकंपग्रस्त यांना सरकारी नियमानुसार सवलत मिळणार आहे. निवड झालेल्या उमेदवाराला सातव्या वेतन श्रेणीनुसार पगार मिळणार आहे. याचा सविस्तर तपशील नोटिफिकेशनमध्ये देण्यात आला आहे. मार्च २०१९ च्या जाहिरातीनुसार ऑनलाइन परीक्षेकरीता उमेदवाराला एकापेक्षा अधिक जिल्हा परिषदांच्या परीक्षेसाठी अर्ज करण्याची मुभा होती. पण शासनाचे महापरीक्षा पोर्टल रद्द झाल्याने परीक्षा OMR Vendor मार्फत ऑफलाइन पद्धतीन होणार आहे. या परीक्षा सर्व जिल्हा परिषदांमार्फत एकाच दिवशी होणार आहेत. त्यामुळे उमेदवाराला एकाच जिल्हा परिषदेतून परीक्षा देता येईल. उमेदवारांनी अधिकृत वेबसाइट https://maharddzp.com/ वर जाऊन आपला अर्ज भरायचा आहे. यासाठी अर्ज करण्याची शेवटची तारीख १४ सप्टेंबर २०२१ आहे. अर्ज करण्यापूर्वी उमेदवाराने नोटिफिकेशन काळजीपूर्वक वाचून त्यानंतर अर्ज करावा. अर्जामध्ये काही चूक आढळल्यास अर्ज बाद करण्यात येईल. अर्ज ऑनलाईन माध्यमातून करायचा आहे. पर्याय निवडताना काही अडचण आल्यास उमेदवारांना ७२९२००६३०५ या क्रमांकावर संपर्क साधण्याचे आवाहन करण्यात आले आहे. भरती प्रक्रियेमध्ये आवश्यकतेनुसार महत्वाचे बदल करण्याचे अधिकार शासनाकडे आहेत.

from Career News in Marathi: Career News, मराठी Career बातम्या | Maharashtra Times https://ift.tt/3zwySyl
via IFTTT