दहावी, बारावीच्या पुरवणी परीक्षेचे वेळापत्रक जाहीर

म. टा. प्रतिनिधी, पुणे राज्य मंडळाकडून दहावी आणि बारावीच्या पुरवणी परीक्षेचे वेळापत्रक () जाहीर करण्यात आले असून, त्यानुसार दहावीची परीक्षा २२ सप्टेंबपासून, तर बारावीची परीक्षा १६ सप्टेंबरपासून सुरू होणार आहे. या दोन्ही परीक्षा लेखी स्वरूपात होणार आहेत. सविस्तर वेळापत्रक राज्य मंडळाच्या https://ift.tt/2LiFk7A या वेबसाइटवर प्रसिद्ध करण्यात आले आहे. राज्य मंडळाने शुक्रवारी पुरवणी परीक्षेचे वेळापत्रक जाहीर केले आहे. करोनाच्या पार्श्वभूमीवर यंदा दहावी आणि बारावीची परीक्षा रद्द करून, अंतर्गत मूल्यांकनाद्वारे निकाल जाहीर करण्यात आला. मात्र, या निकालातही अनेक विद्यार्थी अनुत्तीर्ण झाले. त्यामुळे या विद्यार्थ्यांची आता नियमित लेखी परीक्षा होणार आहे. या वेळापत्रकानुसार दहावीची परीक्षा २२ सप्टेंबर ते ८ ऑक्टोबर या कालावधीत होईल. त्याचप्रमाणे बारावीची परीक्षा १६ सप्टेंबर ते ११ ऑक्टोबर या कालावधीत होणार आहे. व्यवसाय अभ्यासक्रम घेऊन बारावीची परीक्षा १६ सप्टेंबर ते ८ ऑक्टोबर या कालावधीत होईल. तत्पूर्वी, दहावीची प्रात्यक्षिक, तोंडी परीक्षा २१ सप्टेंबर ते ४ ऑक्टोबर या कालावधीत होईल. बारावीची प्रात्यक्षिक, तोंडी परीक्षा १५ सप्टेंबर ते ४ ऑक्टोबर या कालावधीत होणार असल्याचे राज्य मंडळाचे सचिव डॉ. अशोक भोसले यांनी सांगितले. पुरवणी परीक्षेला कमी विद्यार्थी प्रविष्ठ होतात. त्यामुळे करोनाच्या पार्श्वभूमीवर सुरक्षित नियम पाळून या विद्यार्थ्यांची परीक्षा केंद्रांवर लेखी परीक्षा घेणे शक्य आहे. त्यानुसार पुरवणी परीक्षेचे वेळापत्रक जाहीर करण्यात आले आहे. विद्यार्थ्यांनी वेळापत्रकाप्रमाणे परीक्षेची तयारी करावी. - डॉ. अशोक भोसले, सचिव, राज्य मंडळ

from Career News in Marathi: Career News, मराठी Career बातम्या | Maharashtra Times https://ift.tt/3BjdyN1
via IFTTT