CBSE बारावीच्या श्रेणीसुधार परीक्षा १६ ऑगस्टपासून

12th Improvement Exam 2021: केंद्रीय माध्यमिक शिक्षण मंडळ, बारावीच्या विद्यार्थ्यांसाठी श्रेणीसुधार म्हणजेच इम्प्रूव्हमेंट परीक्षांचे आयोजन १६ ऑगस्ट ते १५ सप्टेंबर २०२१ या कालावधीत करणार आहे. बारावीचा निकाल अलीकडेच जाहीर झाला. जे विद्यार्थी आपल्या निकालाने समाधानी नाहीत, ते या श्रेणीसुधार परीक्षा देऊ शकतात. सीबीएसई बोर्डाने संलग्न शाळांमध्ये शैक्षणिक वर्ष २०२०-२१ दरम्यान, इयत्ता बारावीचे जे विद्यार्थी आपल्या निकालाबाबत समाधानी नाहीत आणि निकाल सुधारण्यासाठी परीक्षे देऊ इच्छितात, ते या महिन्यापासून सुरू होणारी क्लास इम्प्रूव्हमेंट परीक्षा देऊ शकतात. सीबीएसई बोर्ड द्वारे इम्प्रूव्हमेंट परीक्षेसाठी एक समिती नेमण्यात येणार आहेत. ही समिती या परीक्षांच्या आयोजनासंदर्भात अंतिम निर्णय घेईल. दुसरीकडे, बोर्डाद्वारे सीबीएसई बारावी इम्प्रूव्हमेंट परीक्षेसंदर्भातील माहिती अद्याप जारी करण्यात आलेली नाही. विषयवार परीक्षेच्या तारखा आणि अन्य अपडेटसाठी विद्यार्थ्यांनी बोर्डाची अधिकृत वेबसाइट, cbse.nic.in ला नियमित भेट देत राहावी. कोण देऊ शकतं सीबीएसई बोर्ड बारावी इम्प्रूव्हमेंट परीक्षा? सीबीएसईने अलीकडेच जाहीर केलेल्या परिपत्रकानुसार, ऑगस्ट- सप्टेंबर २०२१ च्या फेरपरीक्षांसाठी विद्यार्थ्यांचे चार गट निश्चित करण्यात आले आहेत. ते पुढीलप्रमाणे - कॉरेस्पॉंडंट, खासगी आणि श्रेणीसुधार करू इच्छिणारे विद्यार्थी. सीबीएसई मार्किंग पॉलिसीद्वारे मिळालेल्या गुणांवर समाधानी नसलेले विद्यार्थी. पहिल्यांदा कंपार्टमेंट परीक्षा देणारे विद्यार्थी. सीबीएसई बोर्ड परीक्षांसाठी रजिस्ट्रेशन केलेले असे विद्यार्थी ज्यांना केवळ एकाच विषयाची परीक्षा द्यायची आहे. असं म्हटलं जात आहे की सीबीएसई द्वारे इम्प्रूव्हमेंट परीक्षेसाठी विषयनिहाय वेळापत्रक आणि रजिस्ट्रेशन तारीख आदी माहिती लवकरच जारी केली जाण्याची शक्यता आहे. वेळापत्रक लवकरच ऑगस्टच्या पहिल्या आठवड्यात जाहीर केलेतय जाण्याची दाट शक्यता आहे. म्हणूनच विद्यार्थ्यांनी अधिकृत पोर्टलला भेट देत राहावी.

from Career News in Marathi: Career News, मराठी Career बातम्या | Maharashtra Times https://ift.tt/2Vdirba
via IFTTT