New India Assurance कंपनीमध्ये ३०० पदांची भरती, जाणून घ्या तपशील

NIACL AO : कंपनीमध्ये सरकारी नोकरीच्या संधीची वाट पाहत असलेल्या उमेदवारांसाठी महत्वाची बातमी आहे. भारत सरकारच्या सार्वजनिक क्षेत्रातील उपक्रमांपैकी एक न्यू इंडिया अॅश्युरन्स कंपनी लिमिटेड (NIACL) तर्फे प्रशासकीय अधिकारी पदाच्या भरतीसाठी जाहिरात प्रसिद्ध करण्यात आली आहे. NIACL AO भरतीसाठी प्रसिद्ध केलेल्या जाहिरातीनुसार, एकूण ३०० पदांसाठी अर्ज मागविण्यात आले आहेत. याअंतर्गत सरकारी नियमानुसार आरक्षित वर्गांना सवलत मिळणार आहे. त्यानुसार ४६ पदे अनुसूचित जातीच्या उमेदवारांसाठी, एसटीसाठी २२ पदे, ओबीसीसाठी ८१ पदे, ईडब्ल्यूएस उमेदवारांसाठी ३० आणि पीडब्ल्यूबीडी प्रवर्गातील उमेदवारांसाठी १७ पदे आरक्षित आहेत. तर उर्वरित १०४ पदे खुल्या वर्गासाठी असणार आहेत. १ सप्टेंबरपासून अर्ज न्यू इंडिया अॅश्युरन्स कंपनीद्वारे प्रशासकीय अधिकारी पदांसाठी अर्ज प्रक्रिया १ सप्टेंबरपासून सुरू केली जाणार आहे. ही अर्ज प्रक्रिया २१ सप्टेंबर २०२१ पर्यंत सुरु राहणार आहे. इच्छुक आणि पात्र उमेदवारांनी NIACL ची अधिकृत वेबसाइट newindia.co.in ऑनलाईन माध्यमातून अर्ज करायचा आहे. १ सप्टेंबरपासून भरती अर्जाची लिंक सक्रिय केली जाणार आहे. अर्ज करण्यासाठी उमेदवार NIACL च्या भरती सेक्शनमध्ये जाऊन अर्ज करु शकतात. बातमीखाली याची थेट लिंक देण्यात आली आहे. एनआयएसीएल एओ पात्रता निकष न्यू इंडिया अॅश्युरन्स कंपनीमध्ये प्रशासकीय अधिकारी पदासाठी अर्ज करण्यास पात्र असणाऱ्या उमेदवारांकडे मान्यताप्राप्त विद्यापीठातून पदवी/पदव्युत्तर पदवी किमान ६० टक्के गुणांसह पूर्ण असणे गरजेचे आहे. तसेच १ एप्रिल २०२१ रोजी उमेदवारांचे वय २१ वर्षांपेक्षा कमी आणि ३० वर्षांपेक्षा जास्त नसावे. आरक्षित प्रवर्गातील उमेदवारांसाठी वयोमर्यादेत शिथिलता देण्यात आली आहे. भरतीच्या नोटिफिकेशनमध्ये याचा सविस्तर तपशील देण्यात आला आहे.

from Career News in Marathi: Career News, मराठी Career बातम्या | Maharashtra Times https://ift.tt/3ynYBrr
via IFTTT