Teachers Day 2021: शिक्षक दिनाचा इतिहास आणि उद्दिष्ट, जाणून घ्या

Teachers Day 2021: भारतात दरवर्षी ५ सप्टेंबर रोजी साजरा केला जातो. हा स्मरणोत्सव आपल्या देशाचे पहिले उपराष्ट्रपती (दुसरे राष्ट्रपती) डॉ. सर्वपल्ली राधाकृष्णन यांची जयंती आहे. डॉ.राधाकृष्णन यांनी भारताच्या शिक्षणाला आकार देण्यात मोलाचा वाटा उचलला आणि मुलांना शाळेत जाण्यासाठी आणि शिक्षण घेण्यासाठी प्रेरित केले. त्यांच्या योगदानामुळे अनेकांना शिक्षण उपलब्ध झाले आणि म्हणूनच ५ सप्टेंबर रोजी त्यांच्या जयंतीनिमित्त शिक्षक दिन साजरा केला जातो. प्रत्येकाच्या आयुष्यात शिक्षकाची भूमिका अत्यंत महत्वाची आणि विशेष असते. मुलाला यशस्वी आणि उत्तम व्यक्ती बनवण्यासाठी शिक्षक खूप महत्वाची भूमिका बजावतो. देशभरातील महाविद्यालयांमध्ये विविध मनोरंजनात्मक उपक्रम घेऊन हा दिवस साजरा केला जातो. या निमित्ताने विशेष कार्यक्रमाचे आयोजन केले जाते. यामध्ये विद्यार्थी शिक्षकांचे कौतुक करतात आणि त्यांना शुभेच्छा आणि भेटवस्तू देऊन त्यांचा सन्मान करतात. शिक्षक दिन का साजरा केला जातो? त्याचे महत्त्व काय आहे? डॉ. सर्वपल्ली राधाकृष्णन यांचा जन्म ५ सप्टेंबर १८८८ रोजी झाला. ते एक विद्वान शिक्षक होते. त्यांनी आपल्या आयुष्यातील चाळीस वर्षे शिक्षक म्हणून भारताचे भविष्य सुधारण्यात घालवले. शिक्षक म्हणून त्यांचे योगदान आणि मोलाचे काम लक्षात राहील म्हणून प्रत्येक वर्षी त्यांचा वाढदिवस शिक्षक दिन म्हणून साजरा केला जातो. जेव्हा डॉ.राधाकृष्णन भारताचे राष्ट्रपती झाले, तेव्हा काही मित्र आणि माजी विद्यार्थी त्यांना भेटायला आले. त्यांनी सर्वपल्ली राधाकृष्णन यांच्याकडे त्यांचा वाढदिवस भव्य पद्धतीने साजरा करण्याची परवानगी मागितली. याला डॉ.राधाकृष्णन म्हणाले की, माझा वाढदिवस वेगळ्या पद्धतीने साजरा करण्याऐवजी, शिक्षणाच्या क्षेत्रात शिक्षकांनी केलेल्या कामाचा, समर्पणाचा आणि मेहनतीचा सन्मान करून ५ सप्टेंबर साजरा केला तर मला अधिक आनंद आणि अभिमान वाटेल. . तेव्हापासून ५ सप्टेंबरला शिक्षक दिन म्हणून साजरा करण्याची प्रथा देशात सुरू झाली, जी आजपर्यंत सुरू आहे. शिक्षकांचा सन्मान आणि आभार मानण्यासाठी एक दिवस निश्चित करण्यात आला आहे, ज्याला 'शिक्षक दिन' म्हणून ओळखले जाते. शिक्षण फक्त पैसे देऊन मिळत नाही, तर ज्ञान फक्त आदर, सन्मान आणि एखाद्या गुरुवर विश्वास ठेवून प्राप्त होते.

from Career News in Marathi: Career News, मराठी Career बातम्या | Maharashtra Times https://ift.tt/3n1Q3El
via IFTTT