RIMC: मुलींना नॅशनल मिलिट्री कॉलेज आणि शाळांमध्ये मिळणार प्रवेश

: एनडीए प्रमाणेच आरआयएमसी आणि आरएमएस या संस्थांमध्ये केवळ मुलांनाच प्रवेश दिला जातो. पण आता यामध्ये बदल पाहायला मिळणार आहे. नॅशनल डिफेन्स अॅकेडमी (National Defence Acadamy)व्यतिरिक्त मुलींना राष्ट्रीय भारतीय सैन्य महाविद्यालय (RIMC, Rashtriya Indian Military College) आणि पाच राष्ट्रीय सैन्य शाळांमध्ये (RMS, RASHTRIYA MILITARY SCHOOLS-INDIA)देखील मुलींना प्रवेश मिळेल अशी माहिती केंद्र सरकारने सर्वोच्च न्यायालयाला दिली. केंद्राने ६ ऑक्टोबर रोजी सर्वोच्च न्यायालयात यासंदर्भातील प्रतिज्ञापत्र सादर केले. न्या. संजय किशन कौल आणि न्या. एमएम सुंदरेश यांचे खंडपीठ सरकारच्या प्रतिज्ञापत्राची तपासणी करणार आहे. शैक्षणिक सत्र २०२२-२३ पासून सुरुवात केंद्राने आपल्या प्रतिज्ञापत्रात दिलेल्या माहितीनुसार २०२२-२३ या शैक्षणिक सत्रापासून आवश्यक संरचनात्मक आणि लॉजिस्टिक बदल केले जातील. यानंतर, मुलींना RIMC आणि RMS मध्ये समाविष्ट केले जाणार आहे. देहरादूनमधील RIMC प्रवेशासाठी ११.५ ते १३ वर्षे वयोगटातील विद्यार्थी अखिल भारतीय स्पर्धा परीक्षा उत्तीर्ण झाल्यानंतर संस्थेत प्रवेश घेऊ शकतील असे प्रतिज्ञापत्रात म्हटले आहे. दर सहा महिन्यांनी ५ मुलींना प्रवेश सरकारने दिलेल्या माहितीनुसार, जानेवारी २०२३ पासून दर सहा महिन्यांनी ५ मुलींना प्रवेश देण्यास सुरुवात केली जाईल. ज्यासाठी मुलींना जून २०२२ मध्ये प्रवेश परीक्षा देण्याची परवानगी असेल. आपल्या योजनेच्या पहिल्या टप्प्याची माहिती केंद्र सरकारने दिली. त्यानुसार दरवर्षी मुलींच्या सहभागामध्ये २० टक्के वाढ केली जाईल. या वाढीचा काही पायाभूत सुविधांवरही परिणाम होईल असेही यात म्हटले आहे. प्रवेश परीक्षा देता येणार मुलींना जानेवारी २०२८ पासून होणाऱ्या आरआयएमसीतील प्रवेशासाठी जून २०२७ मध्ये नियोजित प्रवेश परीक्षेला बसण्याची परवानगी असणार आहे. पायाभूत सुविधा मुलींसाठी अनुकूल करणार सरकारने प्रतिज्ञापत्रात दिलेल्या माहितीनुसार, गर्ल्स कॅडेट्ससाठी उपयुक्त वैद्यकीय चाचणी आणि प्रशिक्षण अभ्यासक्रम देण्यात येईल. यासोबतच गोपनीयता, सुरक्षा देण्यासाठी व्यवस्थेमध्ये काही बदल आणि पुनर्बांधणी करावी लागेल. मुलींसाठी अनुकूल पायाभूत सुविधा बदलता याव्यात यासाठी अधिकार्‍यांचे मंडळ सर्व संबंधित समस्यांची तपासणी करत आहे.

from Career News in Marathi: Career News, मराठी Career बातम्या | Maharashtra Times https://ift.tt/3ligR1M
via IFTTT