महाराष्ट्र आरोग्य विद्यापीठाच्या परीक्षा २० नोव्हेंबरपासून

म. टा. प्रतिनिधी, नाशिक महाराष्ट्र आरोग्य विज्ञान विद्यापीठामार्फत (MUHS) २०२१ च्या हिवाळी सत्र परीक्षांचे वेळापत्रक जाहीर करण्यात आले आहे. आरोग्यशास्त्राच्या विविध अभ्यासक्रमांच्या परीक्षा २० नोव्हेंबरपासून सुरू होणार आहेत. त्यानंतर संबंधित अभ्यासक्रमांच्या प्रात्यक्षिक परीक्षा होणार आहेत. विद्यापीठाने जाहीर केलेल्या वेळापत्रकानुसार २० नोव्हेंबरपासून एमडी, एमएस, पीजी डिप्लोमा, डीएम, एमसीएच, एमएससी मेडिकल या पदव्युत्तर पदवी व पदव्युत्तर पदविका अभ्यासक्रमांच्या परीक्षा सुरू होणार आहेत. याचसोबत एमबीबीएस जुन्या अभ्यासक्रमाच्या उन्हाळी २०२१ सत्राच्या पुरवणी परीक्षांनाही सुरुवात होणार आहे. १७ जानेवारीपासून आयुर्वेद, होमिओपॅथी, युनानी, आयुर्वेद डिप्लोमा, एमएससी नर्सिंग यासह अन्य पदव्युत्तर अभ्यासक्रमांच्या परीक्षाांचे विद्यापीठाने आयोजन केले आहे. ३१ जोवारीपासून सर्व पदवी अभ्यासक्रमांच्या परीक्षांचे आयोजन करण्यात आले आहे. यासह विद्यापीठामार्फत राबविण्यात येणाऱ्या अभ्यासक्रमांच्या परीक्षाही ३१ जानेवारीपासून सुरू होणार आहेत. या सर्व अभ्यासक्रमांचे सविस्तर वेळापत्रक विद्यापीठाच्या वेबसाइटवर जाहीर करण्यात आले आहे. या सर्व परीक्षा ऑफलाइन पद्धतीने राज्यभरातील परीक्षा केंद्रांवर होणार आहेत. या परीक्षांसाठी ऑनलाइन पद्धतीने अर्ज दाखल करण्याच्या प्रक्रियेलाही सुरुवात झाली आहे. त्याचे नियोजनही विद्यापीठामार्फत जाहीर करण्यात आले आहे. दिलेल्या मुदतीममध्येच विद्यार्थ्यांना हे परीक्षा अर्ज दाखल करावे लागणार असून, कोर्टाचा आदेश वगळता कोणत्याही परिस्थितीमध्ये मुदतीनंतर परीक्षा अर्ज स्वीकारले जाणार नसल्याचे विद्यापीठाने स्पष्ट केले आहे. अफवांवर विश्वास ठेवू नका गेल्या वर्षभरामध्ये आरोग्य विज्ञान विद्यापीठाच्या परीक्षांच्या तारखांबाबत सोशल माध्यमांद्वारे अफवा पसरविल्याच्या घटना घडल्या आहेत. तसेच विद्यापीठाचे फेक ट्विटर अकाउंट असल्याचेही निदर्शनास आले होते. त्यामुळे सोशल माध्यमातून पसरविल्या जाणाऱ्या परीक्षेसंबंधीच्या कोणत्याही माहितीवर विसंबून न राहता, विद्यापीठाच्या अधिकृत वेबसाइटवर संपर्क साधण्याचे आवाहन विद्यापीठामार्फत करण्यात आले आहे.

from Career News in Marathi: Career News, मराठी Career बातम्या | Maharashtra Times https://ift.tt/3qhk6K1
via IFTTT