CA डिसेंबर परीक्षेसाठी RT-PCR टेस्ट न करता मिळणार ऑप्ट आऊटचा पर्याय?

2021: २०२१ (CA December 2021) सत्र परीक्षांची तयारी करणाऱ्या विद्यार्थ्यांसाठी महत्त्वाचे अपडेट देण्यात आले आहे. द इन्स्टिट्यूट ऑफ चार्टड अकाऊंट्स (सीए) फाऊंडेशन, इंटरमीडिएट आणि फायनल कोर्सेसच्या परीक्षांचे आयोजन ५ डिसेंबर २०२१ रोजी केले जाणार आहे. देशभरात करोना रुग्णांच्या संख्येत कमी येत असली तरी या परीक्षेसाठी ऑप्ट आऊटचा पर्याय मिळावा आणि पुढच्या सत्रात परीक्षा देण्याची सवलत मिळावी अशी विद्यार्थ्यांची मागणी आहे. मागच्या परीक्षेवळी संस्थेद्वारे विद्यार्थ्यांना ऑप्ट आऊटचा पर्याय देण्यात आला होता. पण त्यावेळी विद्यार्थ्यांना आरटीपीसीआर टेस्ट सबमिट करणे गरजेचे होते. आता डिसेंबर २०२१ सत्राच्या सीए फाऊंडेशन, इंटरमीडिएट आणि फायनल कोर्सेसच्या परीक्षांसाठी 'ऑप्ट आऊट'चा पर्याय आरटीपीसीआर टेस्ट शिवाय दिला जावा अशी मागणी विद्यार्थ्यांनी केली आहे. यासंदर्भात उच्च न्यायालयात याचिका दाखल करण्यात आली आहे. डिसेंबर चार्टड अकाऊंट परीक्षेत विना आरटीपीसीआर टेस्टचा पर्याय विद्यार्थ्यांना मिळावा. यासाठी मेडिकल सर्टिफिकेट देण्याची मुभा असावी असे याचिकेत म्हटले आहे. ५ डिसेंबर ते १९ डिसेंबर २०२१ या कालावधीत होणाऱ्या सीए परीक्षांसाठी RTPCR टेस्ट(७२ तासांच्या आत) करणे हे परीक्षेची तयारी करणाऱ्या विद्यार्थ्यांसाठी अनिवार्य आहे आहे. ही परीक्षा एका दिवसात होणारी नसून १५ दिवस चालते. अशावेळी प्रत्येक दुसऱ्या परीक्षेत RT-PCR टेस्ट करणे गरजेचे आहे. याचिकेत असेही म्हटले आहे की ICAI ने दिलेल्या परीक्षेच्या दिवशी मार्गदर्शक तत्त्वे आणि धोरणांनुसार, शरीराचे तापमान विहित मर्यादेपेक्षा जास्त असल्यास कोणत्याही उमेदवाराला परीक्षा हॉलमध्ये प्रवेश करण्यास मनाई केली जाईल. अशा परिस्थितीत, उमेदवारांना 72 तासांच्या आत सकारात्मक RT-PCR अहवाल सादर करणे खूप कठीण होईल. इंस्टिट्यूट ऑफ चार्टर्ड अकाउंटंट्स ऑफ इंडिया (Institute of Chartered Accountants of India,ICAI) च्या ऑफलाइन परीक्षा डिसेंबरमध्ये सुरू होणार आहेत. ICAI ने या परीक्षाचे प्रवेशपत्र जाहीर केले आहे. या परीक्षेलेले उमेदवार आयसीएआयची अधिकृत वेबसाइट icaiexam.icai.org वर जाऊन त्यांचे प्रवेशपत्र डाउनलोड करू शकतात. सीए फाऊंडेशन, इंटरमिजिएट आणि अंतिम परीक्षा ५ ते २० डिसेंबर २०२१ या कालावधीत ऑफलाइन माध्यमातून घेण्यात येणार आहेत. प्रवेशपत्र असे करा डाऊनलोड ICAI परीक्षेची अधिकृत वेबसाइट icaiexam.icai.org वर जा. लॉगिन विंडोवर जा आणि नोंदणी क्रमांक आणि पासवर्ड भरा. दुसरी विंडो उघडल्यानंतर प्रवेशपत्र डिसेंबर लिंकवर क्लिक करा. प्रवेशपत्र डाउनलोड करा. भविष्यातील उपयोगासाठी प्रिंटआउट घ्या. या गोष्टी लक्षात ठेवा प्रवेशपत्रावरील अधिकृत नोटीसमध्ये दिलेल्या माहितीनुसार, 'फाऊंडेशन, इंटरमीडिएट (IPC), इंटरमीडिएट, फायनल आणि नवीन परीक्षेत प्रवेश घेतलेल्या उमेदवारांच्या प्रवेशपत्रावर त्यांचा फोटो आणि सही असेल. परीक्षा केंद्रावर उमेदवारांना आपली सरकारी कागदपत्राच्या आधारे स्वत:ची ओळख पटवून द्यावी लागेल. आयसीएआयने नोटिफिकेशनमध्ये दिलेल्या माहितीनुसार प्रवेशपत्र हार्ड कॉपीद्वारे पाठवले जाणार नाही.उमेदवारांना वेबसाइटवर जाऊन बातमीत दिलेल्या स्टेप्स फॉलो करुन प्रवेशपत्र डाउनलोड करता येईल.

from Career News in Marathi: Career News, मराठी Career बातम्या | Maharashtra Times https://ift.tt/3DSPXo6
via IFTTT