स्टाफ सिलेक्शन कमिशन: १० हजारांहून अधिक पदांसाठी मेगाभरती

मुंबई: स्टाफ सिलेक्शन कमिशनने पदवी स्तरावरील पदांसाठी अर्ज मागवले आहेत. Combined Graduate Level - CGL असं या भरतीचं नाव आहे. ही खूप मोठी भरती असून किमान १० हजारहून अधिक पदे आहेत. यासंदर्भातील नोटिफिकेशन आयोगाने संकेतस्थळावर जारी केले आहे. SSC-CGL भरती प्रक्रियेअंतर्गत देशातील विविध सरकारी विभागांमध्ये तब्बल १०,१३२ पदांवर नोकरभरती केली जाणार आहे. यात खुल्या वर्गासाठी ४,१३५ पदे आहेत. याव्यतिरिक्त एससी वर्गातील १,३५३, एसटी वर्गाती ७२५ पदे आणि ओबीसी वर्गातील २,४२० पदे आहेत. आर्थिकदृष्ट्या मागास वर्गातील ८५५ पदे आहेत. याव्यतिरिक्त काही पदे दिव्यांगांसाठी आरक्षित आहेत. अन्य १३०० पदांचीही भरती यापूर्वी स्टाफ सिलेक्शन कमिशनने फेज ८ अंतर्गत १३०० पदांच्या भरतीसाठी अर्ज मागवले होते. २० मार्च ही या अर्जांसाठी अखेरची मुदत आहे. यात यात DEO, क्लर्क, UDC, उपनिरीक्षक, कनिष्ठ संगणक, इन्स्ट्रक्टर (स्टेनोग्राफी) लॅब असिस्टंट, ऑफिस अटेंडंट, टेक्निकल ऑपरेटर, स्टोअर कीपर पासून डायटिशीअन पर्यंत विविध पदांसाठी भरती होत आहे. या भरतीविषयी अधिक माहितीसाठी क्लिक करा - स्टाफ सिलेक्शन परीक्षा: १३०० हून अधिक पदांसाठी मेगाभरती

from Career News in Marathi: Career News, मराठी Career बातम्या | Maharashtra Times https://ift.tt/2xMSjYu
via IFTTT