करोना: इटलीतील शाळा, विद्यापीठे १५ मार्चपर्यंत बंद

रोम: विषाणूच्या वाढत्या प्रादुर्भावामुळे खबरदारीचा उपाय म्हणून इटलीतील सर्व विद्यापीठे आणि शाळा गुरुवारपासून बंद ठेवण्यात आल्या आहेत. या सर्व शाळा आणि विद्यापीठे १५ मार्चपर्यंत बंद राहणार आहेत. इटलीत करोनाची लागण झालेल्या लोकांची संख्या दिवसेंदिवस वाढत आहे. इटलीच्या शिक्षणमंत्री ल्युसिया अॅझोलिना यांनी बुधवारी ही घोषणा केली. इटलीत करोनामुळे गेल्या २४ तासांत बळींची संख्या २८ ने वाढून १०७ वर पोहोचली आहे. मंगळवारपर्यंत करोनाची लागण झालेल्या रुग्णांची संख्या ३,०९० पर्यंत पोहोचली होती. तोपर्यंत ती २,५०२ होती, अशी माहिती सिव्हील प्रोटेक्शन एजन्सीने दिली. इटलीचे पंतप्रधान काँट यांनी सांगितले की सरकार या विषाणूशी लढण्याचा सर्वतोपरि प्रयत्न करत आहे. मात्र लागण झालेल्यांची संख्या खूप मोठी असल्याने आरोग्य यंत्रणेवर खूप ताण येत आहे.

from Career News in Marathi: Career News, मराठी Career बातम्या | Maharashtra Times https://ift.tt/39rgFoz
via IFTTT