सीबीएसईच्या परीक्षा होणार; मंत्र्यांनी केलं स्पष्ट

Board Exam 2020: बोर्डाच्या दहावी आणि बारावीच्या परीक्षांच्या तारखांबाबत अद्याप काहीही स्पष्ट नाही. मात्र लवकरच सीबीएसई बोर्डाच्या झालेल्या परीक्षांच्या उत्तरपत्रिका तपासणीचं काम सुरू होणार आहे. केंद्रीय मनुष्यबळ विकास मंत्री रमेश पोखरियाल निशंक यांनी सांगितलं की 'दहावी, बारावीच्या ज्या परीक्षा झाल्या आहेत, त्यांच्या उत्तरपत्रिका तपासणीचं काम सुरू व्हावं यासाठी आम्ही प्रयत्न करत आहोत.' त्यांनी सांगितलं, 'सीबीएसई दहावी आणि बारावीच्या उर्वरित ८३ विषयांपैकी २९ विषयांची परीक्षा होणार आहे. उर्वरित वैकल्पिक विषयांचे गुण अंतर्गत मूल्यमापनाच्या आधारे दिले जातील. परिस्थिती सामान्य झाल्यावर सीबीएसईच्या त्या राहिलेल्या २९ विषयांच्या परीक्षा घेतल्या जातील. विद्यार्थ्यांनी अभ्यास सुरू ठेवावा.' सीबीएसई बोर्डाच्या परीक्षा रद्द केल्या जातील, या शक्यतांना केंद्रीय मनुष्यबळ विकास मंत्रालयाने पूर्णविराम दिला आहे. दहावी, बारावीच्या परीक्षा परिस्थिती सामान्य झाल्यावर घेतल्या जाणार आहेत, असं मंत्रालयाने स्पष्ट केलं आहे. ईशान्य दिल्लीतील काही भागात उसळलेल्या हिंसेमुळे दहावी, बारावीच्या अनेक विद्यार्थ्यांना काही परीक्षांना बसता आले नाही. त्यानंतर देशात करोना संक्रमणाच्या पार्श्वभूमीवर लॉकडाऊन जारी केला. परिणामी सीबीएसई बोर्डाच्या दहावी, बारावीच्या परीक्षा लांबणीवर टाकण्यात आल्या. लॉकडाऊन संपताच सीबीएसई बोर्ड परीक्षांच्या तारखांची घोषणा करेल. परीक्षांच्या आधी किमान दहा दिवस विद्यार्थ्यांना सूचित केले जाईल.

from Career News in Marathi: Career News, मराठी Career बातम्या | Maharashtra Times https://ift.tt/2xitgN7
via IFTTT