बेनेट युनिव्हर्सिटीची दुसरी ऑनलाइन परिषद

नवी दिल्ली: कोव्हिड-१९ वर बेनेट युनिव्हर्सिटी अनेक जागतिक तज्ज्ञांसोबत आपली दुसरी ऑनलाइन परिषद आज १६ एप्रिल २०२० रोजी घेत आहे. 'कॉम्बॅटिंग कोव्हिड १९ - बायोटेक टू द रेस्स्क्यू' या मध्यवर्ती संकल्पनेवर ही परिषद आधारलेली आहे. सायंकाळी ५ ते रात्री ९.३० वाजेपर्यंत झूम अॅपवर ही परिषद होणार आहे. बेनेट विद्यापीठाच्या स्कूल ऑफ इंजिनिअरींग अँड अप्लाइन सायन्सेसच्या बायोटेक्नॉलॉजी डिपार्टमेंटद्वारे ही परिषद आयोजित करण्यात आली आहे. भारतीय आणि जागतिक पातळीवरील शास्त्रज्ञ, हेल्थकेअर प्रोफेशनल्स, उद्योगपती आणि धोरण ठरवणाऱ्यांना एक छताखाली आणावे आणि सद्यस्थितीत लस, थेरपी, टेक्नॉलॉजीवर चर्चा व्हावी हा या परिषदेचा उद्देश आहे. १६ एप्रिल रोजी सायंकाळी ४ वाजता भारत सरकारच्या बायोटेक्नॉलॉजी डिपार्टमेंटच्या सचिव डॉ. रेणू स्वरुप या परिषदेचे उद्घाटन करणार आहेत. बायोकॉन लिमिटेडचे अध्यक्ष आणि व्यवस्थापकीय संचालक डॉ. किरण मजुमदार शॉ परिषदेच्या प्रमुख पाहुण्या आहेत. पहिलं सत्र डायग्नोस्टिक्स अँड टेस्टिंग याविषयावर होणार आहे. यात शांता बायोटेक्निक्सचे अध्यक्ष डॉ. वाराप्रसाद रेड्डी, सीएसआय - इन्स्टिट्यूट ऑफ जिनोमिक्स अँड इंटिग्रेटिव्ह बायोलॉजीचे वरिष्ठ शास्त्रज्ञ डॉ. देबज्योती चक्रवर्ती, मोलबायो-गोवाचे सीईओ डॉ. श्रीराम नटराजन, पुण्याहून मायलॅब डिस्कव्हरी सोल्यूशन्स प्रा. लि. चे हसमुख रावल आपले विचार मांडतील. दुसरं सत्र 'वॅक्सिन्स: डेव्हलपमेंट अँड डिलिव्हरी' या विषयावर होईल. कॅडिला हेल्थकेअर लि. चे अध्यक्ष पंकज पटेल, इंडियन इम्युनोलॉजिकल्स लि. चे व्यवस्थापकीय संचालक डॉ. के. आनंद कुमार, मेडिसिनल केमिस्ट्री, इंडिग्रल बायोसायन्सेसचे संचालक डॉ. श्रीकांत रामचंद्रन आणि बायोलॉजिकल लि. हैदराबादच्या महिमा डाटला या सत्रात सहभागी होणार आहेत. पुढील सत्रात उपचारपद्धतीवर चर्चा होईल. अॅरिझोना विद्यापीठाचे प्रा. थॉमस, कॅलिफोर्निया विद्यापीठाचे प्रा. रॉबर्ट स्ट्राउड, रिजनल सेंटर फॉर बायोटेक्नॉलॉजीचे डॉ. दीपक नायर, भारत बायोटेक इंटरनॅशनल लि. चे कृष्णा इला, आयसीजीईबीचे डॉ. नील भावेश या सत्रात आपले विचार मांडतील. जागतिक आरोग्य संघटच्या ग्लोबल आउटब्रेक अलर्टचे अध्यक्ष डॉ. डेल फिशर हेही सहभागी होणार आहेत. अखेरचं सत्र आरोग्यावर होईल. यात नॅशनल हेल्थ सर्व्हिस, युके चे डॉ. सुरवि चॅटर्जी, पद्मश्री डॉ. ओमेश कुमार भारती, जनन ओम. प्रा. लि. चे उपाध्यक्ष डॉ. श्रीराम राघवन, मेडिकल कॉलेज कोलकाताहून प्रा. अरुणासु तालुकादार सहभागी होणार आहेत.

from Career News in Marathi: Career News, मराठी Career बातम्या | Maharashtra Times https://ift.tt/2yfQEv0
via IFTTT