यशवंतराव चव्हाण मुक्त विद्यापीठाकडून १० कोटींची मदत

मुंबई: कोरोनाचा प्रादुर्भाव रोखण्यासाठी राज्य शासन काटेकोर उपाययोजना करत आहे. या जागतिक संकटाचा मुकाबला करण्यासाठी आपले योगदान म्हणून सर्व विद्यापीठांनी मुख्यमंत्री सहायता निधीसाठी मदत करावी असे आवाहन उच्च व तंत्र शिक्षण मंत्री उदय सामंत यांनी केले होते. या आवाहनाला पहिला प्रतिसाद यशवंतराव चव्हाण मुक्त विद्यापीठाने दिला आहे. यशवंतराव चव्हाण मुक्त विद्यापीठाकडून दहा कोटी रुपयांचा निधी ‘मुख्यमंत्री सहाय्यता निधी कोविड-१९’साठी देण्याचे निश्चित केले आहे,अशी माहिती उच्च व तंत्र शिक्षण मंत्री उदय सामंत यांनी दिली. तसेच उर्वरित विद्यापीठांकडून देखील आपत्कालीन निधी मुख्यमंत्री सहाय्यता निधी कोविड-१९’साठी मदत म्हणून जाहीर केली जाईल असा विश्वासही सामंत यांनी व्यक्त केला. उदय सामंत यांनी राज्यातील विद्यापीठांच्या कुलगुरूंसोबत घेतलेल्या व्हिडिओ कॉन्फरन्सिंगनंतर यशवंतराव चव्हाण मुक्त विद्यापीठाकडून ही मदत जाहीर झाली. दरम्यान, व्हायरसचा महाराष्ट्रातील प्रादुर्भाव दिवसेंदिवस वाढत आहे. गुरुवार १६ एप्रिलपर्यंत राज्यातील करोना रुग्णांच्या संख्येनं तीन हजारचा टप्पा ओलांडला आहे. मागील १८-२० तासांत राज्यभरात तब्बल १६५ नव्या रुग्णांची नोंद झाली असून आतापर्यंत एकूण रुग्णसंख्या ३०८१ झाली आहे. नव्यानं नोंद झालेल्या रुग्णांमध्ये एकट्या मुंबईतील १०७ रुग्णांचा समावेश आहे.

from Career News in Marathi: Career News, मराठी Career बातम्या | Maharashtra Times https://ift.tt/34DsM0q
via IFTTT