टीसीएसचा १५ दिवसांचा मोफत अभ्यासक्रम

करोना व्हायरसच्या प्रादुर्भावामुळे संपूर्ण देश आणि जग स्थितीत आहे. त्यामुळे बहुतांश लोक घरातच बसले आहेत. अशातच टाटा कन्सल्टन्सी सर्व्हिसेस्ने १५ दिवसांचा मोफत डिजीटल सर्टिफिकेशन प्रोग्राम उपलब्ध करून दिला आहे. हा कार्यक्रम iON प्लॅटफॉर्मवर आहे. या कार्यक्रमाला करिअर एज असं नाव देण्यात आलं आहे. हा प्रमाणपत्र अभ्यासक्रम त्या विद्यार्थ्यांसाठी आहे जे या क्षेत्रात पुढे जाऊन करिअर बनवू इच्छितात. विशेष करून हा अभ्यासक्रम स्टुडंट्स आणि प्रोफेशनल्सना ध्यानात ठेवून डिझाइन केला आहे. असे विद्यार्थी जे आपल्यातल्या कौशल्यांना आणखी वाव देऊ इच्छितात. हा अभ्यासक्रम टीसीएसच्या iON डिजीटल लर्निंग हब प्लॅटफॉर्मवर उपलब्ध राहील. या अभ्यासक्रम पूर्ण केल्यानंतर त्याचं ऑनलाइन डिजीटल असेसमेंट म्हणजेच मूल्यांकनही होणार आहे. यानंतर सर्टिफिकेट दिले जाईल. या अभ्यासक्रमात दोन आठवड्यांच्या कालावधीनंतर हे मूल्यांकन होणार आहे आणि शेवटी कोर्सच्या परफॉर्मन्सनुसार टीसीएसकडून सर्टिफिकेट दिले जाईल. या अभ्यासक्रमाला कधीही, कुठेही, कोणत्याही डिव्हाइसवर अॅक्सेस केलं जाऊ शकतं. टीसीएसचं हे करोना प्रादुर्भावाच्या आणि लॉकडाऊनच्या काळातलं दुसरं पुढाकाराचं पाऊल आहे. यापूर्वीदेखील TCS ने iON डिजीटल ग्लास रुम हा व्हर्च्युअल लर्निंग प्लॅटफॉर्म मोफत उपलब्ध करून दिला होता.

from Career News in Marathi: Career News, मराठी Career बातम्या | Maharashtra Times https://ift.tt/2RjKPDh
via IFTTT