जेईई आणि नीट परीक्षांच्या तारखा जाहीर; दोन्ही परीक्षा जुलैमध्ये

बारावीच्या विद्यार्थ्यांना गेले अनेक दिवस ज्या परीक्षांच्या तारखांची वाट पाहत आहेत, त्या तारखा आज जाहीर झाल्या. मेन, अॅडव्हान्स्ड आणि परीक्षांच्या तारखांसंदर्भात महत्त्वाची घोषणा आज केंद्रीय मनुष्यबळ विकास मंत्री रमेश पोखरियाल यांनी केली. जेईई-मेन परीक्षा १८ जुलै २०२० ते २३ जुलै २०२० या कालावधीत होणार आहे, असे डॉ. रमेश पोखरियाल यांनी सांगितले. नीट परीक्षादेखील २६ जुलै २०२० रोजी घेतली जाणार आहे, असे त्यांनी सांगितले. जेईई अॅडव्हान्स्ड परीक्षा ऑगस्ट २०२० मध्ये होणार आहे. सीबीएसई बोर्डाच्या दहावी, बारावीच्या उर्वरित परीक्षा कधी घेतल्या जाणार याबाबतचा निर्णय येत्या १ ते २ दिवसांत जाहीर केला जाणार आहे, अशी माहिती देखील केंद्रीय मनुष्यबळ विकास मंत्र्यांनी दिली. डॉ. पोखरियाल निशंक यांनी आज देशभरातील विद्यार्थ्यांशी वेबिनारद्वारे संवाद साधला. त्यावेळी त्यांनी या तारखा जाहीर केल्या. विद्यार्थ्यांना या तारखा कळल्यामुळे मोठा दिलासा मिळाला आहे. देशातील विद्यापीठांमधील परीक्षा १ जुलैपासून घेणार. ऑगस्टपासून नवं सत्र सुरू करणार. कुठल्या ठिकाणी काय परिस्थिती आहे, त्याचा आढावा घेण्याचे अधिकाऱ्यांना आदेश दिले आहेत. जुलैनंतरही जर कुठल्या ठिकाणची परिस्थिती सामान्य नसेल तर तेथील आढावा घेऊन तसे निर्णय घेण्यात येतील, असे पोखरियाल म्हणाले. विद्यापीठांमध्ये कोव्हिड - १९ टास्क फोर्स प्रत्येक विद्यापीठात कोव्हिड - १९ टास्क फोर्स स्थापन करण्याचे आदेश यूजीसीद्वारे देण्यात आले आहेत. त्याद्वारे विद्यार्थ्यांच्या कोणत्या समस्या असतील तर त्या सोडवल्या जातील. इंटरनेट सुविधा नसल्यास... ज्या विद्यार्थ्यांकडे विशेषत: दुर्गम भागात इंटरनेटच्या सुविधा नसतील, याची आम्हाला जाणीव आहे, पण अशा वेळी विद्यार्थ्यांनी टीव्हीवर विविध चॅनेलवर सुरू असलेल्या ऑनलाइन वर्गांचा लाभ घ्यावा. ३५ विविध वाहिन्यांवर हे अभ्यासक्रम २४ तास सुरू आहेत, असे ते म्हणाले. आयआयटींना फी न वाढवण्याचे आवाहन देशातल्या आयआयटी या स्वायत्त संस्था आहेत, त्यांना शुल्कवाढीसंदर्भात निर्णय घेण्याचे अधिकार आहेत. मात्र तरीही आम्ही त्यांना विनंती केली आहे की यावर्षी आयआयटींमधील शुल्क वाढवू नये. अन्य देशांतील सीबीएसई शाळांविषयी... सीबीएसई बोर्डाच्या अधिकाऱ्यांची बैठक घेऊन चर्चा करू. अन्य देशांमधील लॉकडाऊन स्थितीचा आढावा घेऊन त्यानुसार तेथील सीबीएसई बोर्डाच्या शाळांसंदर्भात काय निर्णय घ्यायचे ते ठरवले जाईल. तसेच तेथील देशांच्या शिक्षणमंत्र्यांशीदेखील संवाद साधला जाईल.

from Career News in Marathi: Career News, मराठी Career बातम्या | Maharashtra Times https://ift.tt/2SCQYen
via IFTTT