आयआयटी-गुवाहाटीचे सर्व विद्यार्थ्यांसाठी ऑनलाइन अभ्यासक्रम

आयआयटी गुवाहाटीने संस्थेच्या E &ICT अकॅडमीच्या माध्यमातून तीन महिने कालावधीसाठी मोफत ऑनलाइन समर इंटर्नशीप्स, इंटरअॅक्टिव्ह सेशन्स आणि वेबिनार्सचे आयोजन केले आहे. सायंटिफिक कम्युनिटीच्या सशक्तीकरणाच्या उद्देशाने या अकॅडमीची स्थापना करण्यात आली होती. हे अभ्यासक्रम आयआयटी गुवाहाटीने केवळ त्यांच्या विद्यार्थ्यांसाठी तयार केले होते. मात्र आता लॉकडाऊन कालावधीत देशभरातील अन्य आयआयटी तसेच केंद्रीय आणि राज्यांच्या विद्यापीठांचे विद्यार्थ्यांना देखील या अभ्यासक्रमांचा लाभ उठवता येणार आहे. देशातील लॉकडाऊन कालावधी वाढवण्यात आल्याने आयआयटी गुवाहाटीने सर्व थिअरी विषयांसाठी (३५० हून जास्त) ऑनलाइन वर्ग सुरू ठेवण्याचा निर्णय घेतला आहे. १५ मे पर्यंत हे वर्ग संपवण्याचा संस्थेचा प्रयत्न आहे. पीएचडी करणाऱ्या विद्यार्थ्यांचे वायवा, वार्षिक प्रोग्रेस सेमिमार्स, सिनॉप्सिसदेखील ऑनलाइन घेण्यात येणार आहेत. विद्यार्थ्यांच्या करिअरवर लॉकडाऊनचा परिणाम होऊ नये हा यामागचा उद्देश आहे. च्या ऑनलाइन अभ्यासक्रमांचा पाया अन्य विद्यापीठांमधील अभ्यासक्रमांसारखाच असल्याने अन्य विद्यापीठांच्या विद्यार्थ्यांना या ऑनलाइन व्यासपीठाचा फायदा होईल, असं आयआयटी-जीच्या एका अधिकाऱ्यांनी टाइम्स न्यूज नेटवर्कला सांगितले. E&ICT ची संकल्पना २०१५ मध्ये पुढे आली तर २०१६ मध्ये या संस्थेचं उद्घाटन झालं. तेव्हापासून आजतागायत संस्थेने ९,००० जणांना प्रशिक्षित केलं आहे. यात प्राध्यापक, विद्यार्थी, उद्योगातील मंडळी अशा विविध वर्गांचा समावेश आहे. देशभरात १५ राज्यांत २०० पेक्षा अधिक अभ्यासक्रम या संस्थेच्या माध्यमातून शिकवले जातात. यात कम्युनिकेशन इंजिनीअरिंग, VLSI, डेटा सायन्स, IoT, क्लाऊड कॉम्प्युटिंग, बिग डेटा अॅनालिटिक्स, हाय परफॉर्मन्स कॉम्प्युटिंग आदि अभ्यासक्रमांचा समावेश आहे.

from Career News in Marathi: Career News, मराठी Career बातम्या | Maharashtra Times https://ift.tt/35DxRGr
via IFTTT