केंद्रीय मनुष्यबळ मंत्र्यांनी केले 'युक्ती २.०' पोर्टल लाँच

नवी दिल्ली: केंद्रीय मनुष्यबळ विकास मंत्री रमेश पोखरियाल 'निशंक' यांनी मंगळवारी '' पोर्टल लाँच केले. व्हिडिओ कॉन्फरन्सच्या माध्यमातून हे पोर्टल लाँच केलं. यापूर्वी ११ एप्रिल रोजी युक्ती (यंग इंडिया कॉम्बॅटिंग कोविड विथ नॉलेज, टेक्नॉलॉजी अँड इनोव्हेशन) हे पोर्टल लाँच केले होते. या पोर्टल लाँचच्यावेळी रमेश पोखरियाल म्हणाले, 'अखिल भारतीय तंत्र शिक्षण परिषदेच्या सहयोगाने उच्च शिक्षण संस्थांच्या सर्व औद्योगक आणि स्टार्ट अप संबंधित सूचनांसाठी हा राष्ट्रीय औद्यागिक मंच युक्ती २.० विकसित केला आहे. याचा उद्देश आपल्या विद्यार्थ्यांना, माजी विद्यार्थ्यांना विविध तंत्र, उत्पादने, स्टार्टअप्सविषयी माहितीवर आधारित डेटाबेस तयार करणे हा आहे.' केंद्रीय मनुष्यबळ विकास मंत्रालयाने सर्व उच्च शिक्षण संस्थांना, विद्यार्थ्यांना या पोर्टलवर नोंदणी करण्याचे आवाहन केले आहे. पोखरियाल म्हणाले, 'या पोर्टलच्या माध्यमातून सर्व संस्थांचा थेट मंत्रालयाशी संवाद होणार आहे. यामुळे केंद्र सरकारला विद्यार्थ्यांच्या प्लेसमेंटसंबंधी समस्या समजून घेऊन धोरण आखणं सोपं होईल. या कठिण काळात विद्यार्थ्यांच्या प्लेसमेंटविषयक समस्या, विद्यार्थ्यांच्या शारीरिक, मानसिक विकासासंबंधी महत्त्वाच्या मुद्द्यावर सहाय्य करण्यासही या पोर्टलची मदत होणार आहे.

from Career News in Marathi: Career News, मराठी Career बातम्या | Maharashtra Times https://ift.tt/3hY9s44
via IFTTT