NIOS दहावी, बारावी परीक्षा लांबणीवर

class 10 and 12 exams 2020: राष्ट्रीय मुक्त विद्यालय शिक्षण संस्था अर्थात NIOS ने आपल्या मार्च / एप्रिलमधील दहावी आणि बारावीच्या वार्षिक परीक्षा स्थगित केल्या आहेत. या परीक्षा १७ जुलै २०२० पासून सुरू होणार होत्या. करोना व्हायरसच्या संक्रमणाची वाढत चाललेल्या स्थितीच्या पार्श्वभूमीवर आणि देशभरातून विद्यार्थी-पालकांची परीक्षा रद्द करण्याची मागणी लक्षात घेऊन या परीक्षा रद्द करण्याचा निर्णय घेतल्याचे एनआयओएसने जाहीर केले आहे. नव्या तारखा लवकरच जाहीर करण्यात येतील बोर्डाने यासंबंधी आपल्या अधिकृत संकेतस्थळावर nios.ac.in वर नोटीस जारी केली आहे. या सूचनेत म्हटले आहे की 'मार्च / एप्रिल २०२० च्या सेकंडरी आणि सीनिअर सेकंडरी (थिअरी) परीक्षा १७ जुलै २०२० पासून सुरू होणार होत्या; मात्र कोविड - १९ महामारीमुळे निर्माण झालेली परिस्थिती लक्षात घेऊन पुढील आदेश येईपर्यंत या परीक्षा स्थगित करण्यात येत आहेत.' ही नोटीस एसआयओएसच्या वतीने संस्थेचे संचालक (मूल्यांकन) बी. वेंकटेश्वरन यांनी जारी केली आहे. देशभरातील पालकांचीही या परीक्षा रद्द करण्याची मागणी होती. करोना महामारीची स्थिती पाहता मुलांच्या आरोग्याविषयी कोणताही धोका पत्करायचा नाही, अशी पालकांची भूमिका आहे. काही दिवसांपूर्वी एनआयओएसने एक परिपत्रक जारी केलं होतं. यात बारावीच्या दिव्यांग विद्यार्थ्यांचे मूल्यांकन प्रोजेक्ट वर्कच्या आधारे केलं जाईल, असं म्हटलं होतं. त्यांना जुलै परीक्षा द्यावी लागणार नाही. हेही वाचा: आता थिअरी सोबत प्रॅक्टिकल परीक्षाही स्थगित करण्यात आल्या आहेत. NIOS ने सांगितलंय की परीक्षेसंबंधी विस्तृत मार्गदर्शक तत्वे लवकरच जारी केली जातील. अपडेटसाठी विद्यार्थी आणि पालकांनी अधिकृत संकेतस्थळे nios.ac.in आणि sdmis.nios.ac.in येथे भेट देत राहावी. परीक्षा स्थगित होण्यासंबंधीची नोटीस वाचण्यासाठी NIOS च्या अधिकृत वेबसाइटवर जाण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/38qKZjq
via IFTTT