दिल्ली विद्यापीठ ओपन बुक टेस्टचं वेळापत्रक जारी

दिल्ली विद्यापीठाने यूजी आणि पीजी कोर्सेसच्या अंतिम वर्षाच्या विद्यार्थ्यांसाठी घेण्यात येणाऱ्या ओपन बुक परीक्षेचे टाइमटेबल जारी केले आहे. विद्यापीठाच्या .ac.in या अधिकृत संकेतस्थळावर हे वेळापत्रक जारी करण्यात आले आहे. या परीक्षा १ जुलैपासून सुरू होणार होत्या. मात्र विद्यापीठाने त्या दहा दिवस पुढे ढकलल्या होत्या. या परीक्षा आता १ जुलै ऐवजी १० जुलै पासून सुरू होणार आहेत. या परीक्षांच्या वेळापत्रकासह डीयूने ऑनलाइन ओपन बुक परीक्षा 'मॉक टेस्ट' सीरीजचे शेड्युल देखील जारी केले आहे. या मॉक टेस्ट ४ जुलै पासून सुरू होणार आहेत. करोनामुळे निर्माण झालेल्या ऐतिहासिक परिस्थितीमुळे पहिल्यांदाच डीयू ऑनलाइन ओपन बुक परीक्षा आयोजित करत आहे. विद्यार्थ्यांची तयारी करून घेण्यासाठी आणि त्यांना ओपन बुक टेस्टची प्रक्रिया समजावून देण्यासाठी ४ ते ८ जुलै या कालावधीत विद्यापीठ विद्यार्थ्यांच्या मदतीसाठी मॉक टेस्ट सिरीज देखील लाँच केली आहे. विद्यार्थी खाली दिलेल्या थेट लिंकवर क्लिक करून संपूर्ण श्येड्युल पाहू शकतात. डीयू च्या नोटीशी अनुसार, 'मॉक टेस्ट पेपर्स प्रमाणे दोन तास कालावधीची असेल. विद्यार्थ्यांना क्रमश: प्रश्नपत्रिका आणि उत्तर पत्रिका डाऊनलेड करून अपलोड करण्यासाठी एक तासाचा अवधी देण्यात येईल. मॉक टेस्टमध्ये दिलेल्या प्रश्नपत्रिकेच्या केवळ अभ्यासासाठी आहेत आणि केवळ सरावासाठी आहेत.'

from Career News in Marathi: Career News, मराठी Career बातम्या | Maharashtra Times https://ift.tt/3eXtdHc
via IFTTT