जर्मन विद्यापीठ देणार 'आळशी' लोकांना दीड लाखांची ग्रान्ट!!!

आपल्या कर्तृत्वाच्या बळावर, मेहनत करून शिकू पाहणाऱ्यांना शासन, अनेक शैक्षणिक संस्था शिष्यवृत्ती देऊन प्रोत्साहन देतात. पण जर्मनीतील विद्यापीठ आळशी लोकांना अनुदान देणार आहे. काय प्रकार आहे हा?... जाणून घेऊ. अशा लोकांना शिष्यवृत्ती देणार आहे, जे आयुष्यात काही करू इच्छित नाही, त्यांना कोणतीही महत्त्वाकांक्षा नाही. अशा आळशी लोकांच्या शोधात हे विद्यापीठ आहे. जे कमीत कमी काम करतात त्यांना विद्यापीठ पैसेही देणार आहे. चक्क आळशीपणासाठी अनुदानही देणार आहे. हॅम्बर्गमध्ये युनिव्हर्सिटी ऑफ फाइन आर्ट्सच्या एका अनोख्या प्रकल्पात सहभागी होण्यासाठी विद्यापीठी अशा लोकांना शोधत आहे, ज्यांना कोणतीही महत्त्वाकांक्षा नाही. अर्जदारांना द्यावी लागेल ही हमी... अर्जदारांना विद्यापीठाला ही हमी द्यावी लागेल की १६०० युरोच्या (१ लाख ४० हजार रुपये) तीन शिष्यवृत्तींपैकी कोणतीही एक जिंकण्यासाठी ते कसे निष्क्रिय आहेत. अर्जात उमेदवारांना दोन प्रश्न विचारण्यात आले आहेत - एक तुम्ही काय करू इच्छित नाही? दुसरा प्रश्न हा आहे की जे तुम्ही करू इच्छित नाही ते न करणं किती महत्त्वपूर्ण आहे? उमेदवारांना यासाठी १५ सप्टेंबरपर्यंत अर्ज करायचे आहेत. काय आहे या 'निष्क्रियते'मागची संकल्पना? ही अनोखी योजना आखणारे प्रोफेसर फ्रेडरिक वॉन बोरिस यांच्या मतेत आर्थिक-सामाजिक परिवर्तन आणण्यासाठी मदत करण्यासाठी आळशीपणाचा सूक्ष्मपणे अभ्यास करणं महत्त्वाचं आहे. हा प्रयोग जीवनात निरंतर यश मिळवण्याच्या जीवघेण्या स्पर्धेतून बाहेर निघण्यासाठी आणि गोल गोल फिरणाऱ्या आयुष्यातील चक्रापासून वेगळं होण्याशी संबंधित आहे. जर्मनीच्या उमेदवारांना १५ सप्टेंबरपर्यंत सक्रीय निष्क्रीयतेबाबतच्या आपल्या विचारांसह अर्ज करायचे आहेत. या योजनेवर जर्मनीत अनेकांनी भुवया उंचावल्या आहेत. पण हा प्रयोग पुढील वर्षी हॅम्बर्ग विद्यापीठाच्या ललित कला विद्यापीठातील 'एका चांगल्या आयुष्यासाठी' या विषयावरील प्रदर्शनाचा भाग असेल अशी माहिती प्रा. बोरिस यांनी दिली.

from Career News in Marathi: Career News, मराठी Career बातम्या | Maharashtra Times https://ift.tt/3hsLai3
via IFTTT