महाराष्ट्रातील शाळा कधी उघडणार... उपमुख्यमंत्र्यांनी सांगितले

महाराष्ट्रातील दिवाळीपर्यंत सुरू होऊ शकत नाहीत, त्यानंतर अंदाज घेऊ, असे राज्याचे उपमुख्यमंत्री यांनी पुणे येथे स्पष्ट केले. काही राज्यांनी शाळा सुरू केल्या असल्याचे पत्रकारांनी त्यांच्या निदर्शनास आणून दिले असता ते म्हणाले, 'काही राज्यांनी शाळा सुरू केल्या, त्यांना त्याची किंमत मोजावी लागली.' माझे कुटुंब, माझी जबाबदारी या संकल्पनेअंतर्गत पुण्याचा निर्धार, करोना हद्दपार या अभियानाची सुरुवात पवार यांच्या हस्ते झाली. यावेळी ते बोलत होते. केंद्र सरकारने अनलॉक ५ अंतर्गत शाळा उघडण्यास राज्यांना परवानगी दिली आहे. काही राज्यांनी नववी ते बारावीचे वर्गही सुरू केले आहे. महाराष्ट्रात करोना महामारी स्थिती अजूनही पूर्ण आटोक्यात आलेली नाही. राज्य सरकार टप्प्याटप्प्याने एकेक गोष्टींना परवानगी देत आहे. राज्यातील ग्रंथालये, आठवडी बाजार, मेट्रो सेवांना सरकारने हिरवा कंदिल दाखवला आहे. शाळा बंद असल्या तरी शाळांना ५० टक्के शिक्षक तसंच इतर कर्मचाऱ्यांना ऑनलाइन शिक्षण, टेली काऊन्सलिंग याशिवाय इतर कामांसाठी शाळेत बोलावण्याची परवानगी देण्यात आली आहे. मात्र, शाळा, महाविद्यालये ३१ ऑक्टोबरपर्यंत बंदच राहणार आहेत. दरम्यान, केंद्र सरकारने अनलॉक ५ अंतर्गत १५ ऑक्टोबरपासून विविध गोष्टींसाठी नियमावली जारी केली. यानुसार राज्यांना त्यांच्या स्तरावर शाळा उघडण्याची परवानगी दिली आहे. त्यानुसार पंजाब सरकार येत्या १९ ऑक्टोबर पासून नववी ते बारावीचे वर्ग प्रत्यक्ष सुरू करत आहे. दुसरीकडे मेघालय सरकारनेदेखील शाळा उघडण्यास सशर्त परवानगी दिली आहे. सध्या पंजाबमधील शाळा दिवसाला केवळ तीन तासांसाठी सुरू केल्या जाणार आहेत. केवळ नववी ते बारावीच्या विद्यार्थ्यांसाठी शाळा प्रत्यक्ष सुरू केल्या जात आहेत. कंटेन्मेंट झोनमधील शिक्षक, विद्यार्थ्यांना शाळेत येण्यास परवानगी नसेल. दुसरीकडे, मेघालय सरकारने केंद्र सरकारच्या अनलॉक - ५ च्या गाइडलाइन्सनंतर शाळा उघडण्याचा निर्णय घेतला आहे. मात्र शाळा उघडल्या तरी तूर्त वर्ग भरणार नाहीत. शाळांमध्ये विद्यार्थी-शिक्षक काउन्सेलिंग, इयत्ता सहावी आणि पुढील वर्गातील विद्यार्थ्यांसाठी असाइनमेंट आणि अन्य सबमिशनचे काम आदीसाठी शाळा उघडल्या जाणार आहेत. ही बाब लक्षात आणून दिल्यावर अजित पवार यांनी आपली भूमिका व्यक्त केली. ज्यांनी शाळा सुरू केल्या, त्यांना त्याची किंमत मोजावी लागली असे ते म्हणाले. दरम्यान, यापूर्वी राज्याचे मुख्यमंत्री उद्धव ठाकरे यांनीही तूर्त शाळा सुरू करण्याचा सरकारचा विचार नसल्याचे स्पष्ट केले आहे.

from Career News in Marathi: Career News, मराठी Career बातम्या | Maharashtra Times https://ift.tt/37pNS5Z
via IFTTT