जेएनयू पीएचडी विद्यार्थ्यांसाठी टप्प्याटप्प्याने उघडणार

JNU Reopen: जवाहरलाल नेहरू विद्यापीठाने () बुधवारी जाहीर केले की सध्या सुरू असलेल्या करोना व्हायरस साथीच्या आजाराच्या पार्श्वभूमीवर आता कॉलेज कॅम्पस टप्प्याटप्प्याने उघडला जाईल. या निर्णयाबाबतचे परिपत्रक विद्यापीठाच्या अधिकृत संकेतस्थळावर अपलोड करण्यात आले आहे. परिपत्रकानुसार, सायन्स स्कूल आणि विशेष केंद्रांवर प्रयोगशाळेच्या कामासाठी आवश्यकता असणारे 9 बी विद्यार्थी आणि प्रकल्प कर्मचारी तसेच मागील वर्षीचे पीएचडी रिसर्चर स्कॉलर (डे-स्कॉलर) यांच्यासाठी २ नोव्हेंबर, २०२० रोजी कॅम्पस उघडले जाईल. पीएचडी रिसर्च स्कॉलरलाठी १६ नोव्हेंबरपासून दुसरा टप्पा सुरू होईल. वसतिगृहांमध्ये राहणारे विद्यार्थी ३१ डिसेंबर २०२० किंवा ३० जून २०२१ पूर्वी पीएचडी प्रबंध सादर करू शकतात. परिपत्रकातील महत्त्वाच्या बाबी पुढीलप्रमाणे - - पीएचडी करणाऱ्या विद्यार्थ्यांना प्रवेशासाठी त्यांच्या पर्यवेक्षकाची लेखी परवानगी घेणे आवश्यक असेल. - दिल्लीबाहेरून येणाऱ्या विद्यार्थ्यांना विद्यापीठात प्रवेश घेण्यापूर्वी ७ दिवस स्वत: ला क्वारंटाइन ठेवणे आवश्यक आहे. - जे विद्यार्थी कॅम्पसमध्ये येत आहेत त्यांना करोनाव्हायरस संबंधित मार्गदर्शक तत्त्वांचे पालन करावे लागेल. - विद्यार्थ्यांना एकाच ठिकाणी एकत्र येऊ दिले जाणार नाही. बैठक केवळ ऑनलाइन मोडमध्ये असेल. - कॅम्पसमध्ये कॅन्टीन व ढाबे बंद राहतील. - सेंट्रल लायब्ररी बंद राहील. - प्रयोगशाळांमध्ये सोशल डिस्टन्सिंगचे पालन केले जाईल.

from Career News in Marathi: Career News, मराठी Career बातम्या | Maharashtra Times https://ift.tt/3oez4gj
via IFTTT