CBSE CTET 2020 परीक्षेसंबंधी बनावट नोटीस व्हायरल

CTET 2020 : केंद्रीय माध्यमिक शिक्षण मंडळामार्फत (CBSE) घेतल्या जाणाऱ्या केंद्रीय शिक्षक पात्रता परीक्षा (CTET) संदर्भात एक बनावट नोटीस सोशल मीडियावर व्हायरल होत आहे. ही नोटीस सीबीएसई सीटीईटी जुलै २०२० परीक्षेसंदर्भात आहे. या परीक्षेचं अद्याप आयोजन करण्यात आलेलं नाही. व्हायरल झालेल्या बोगस परिपत्रकात असं म्हटलं आहे की सीबीएसईद्वारे सीटेट जुलै २०२० परीक्षेचं आयोजन ५ नोव्हेंबर २०२० रोजी होणार आहे. मात्र, बोर्डाने अद्याप या परीक्षेची कोणतीही तारीख जाहीर केलेली नाही. हे परिपत्रक पूर्णपणे बोगस आहे. सीबीएसईने म्हटलं आहे की 'आतापर्यंत परीक्षेच्या तारखेसंदर्भात कोणताही निर्णय घेण्यात आलेला नाही. बोर्डाने परीक्षेची कोणतीही तारीख जाहीर केलेली नाही. अॅडमिट कार्डही जाहीर केलेले नाही. यासंबंधी कोणतीही माहिती सीबीएसई आणि सीटीईटीच्या वेबसाइट्सवर cbse.nic.in आणि ctet.nic.in वर जाहीर केली जाईल.' सीबीएसीईद्वारे सेंट्रल टीचर्स एलिजिबीलिटी टेस्ट जुलै २०२० (CTET July 2020) चे आयोजन ५ जुलै २०२० रोजी होणार होते. पण कोविड - १९ महामारी स्थितीमुळे ही परीक्षा लांबणीवर टाकण्यात आली होती.

from Career News in Marathi: Career News, मराठी Career बातम्या | Maharashtra Times https://ift.tt/35vdv2o
via IFTTT