UPSC मुलाखतीत उमेदवाराला नेसलेल्या साडीविषयी विचारला प्रश्न... दिलं 'हे' उत्तर

केंद्रीय लोकसेवा आयोगाच्या परीक्षेतला अंतिम टप्पा असतो मुलाखतीचा. या मुलाखतीत समोर बसलेलं पॅनेल कोणत्याही प्रकारचे प्रश्न विचारू शकतात. यंदाच्या यूपीएससीच्या यशस्वी उमेदवारांमधील एक नाव आहे माजी मिस इंडिया फायनलिस्ट . ऐश्वर्याने पहिल्याच प्रयत्नात यूपीएससी यशस्वीरित्या उत्तीर्ण करत ९३ वा रँक मिळवला. एका वृत्तवाहिनीला दिलेल्या मुलाखतीत ऐश्वर्याने तिच्या यूपीएससी मुलाखतीचा अनुभव सांगितला. ऐश्वर्या यूपीएससीच्या मुलाखतीसाठी जाताना आपल्या आई-वडिलांना सोबत नेलं नव्हतं. ती म्हणाली, 'मी मुद्दामच त्यांना नेलं नाही. पालक सोबत असताना वेगळंच टेन्शन येतं. म्हणून मी एकटी गेले होते.' तिचं शिक्षण दिल्ली विद्यापीठाच्या कॉलेजमधून झालं होतं. तिला दिल्लीची खूप माहिती आहे. सुरू होण्याआधी तीस मिनिटं ती पोहोचली होती. मुलाखतीची वेळ जसजशी जवळ येत होती. तसतशी ऐश्वर्याला भीती वाटू लागली. तिचा मुलाखतीसाठी दुसरा क्रमांक होता. यूपीएससीचे पाच-सहा पॅनेल असतात आणि प्रत्येक पॅनेल सहा उमेदवारांची मुलाखत घेतो. स्वत:ला शांत करण्यासाठी ऐश्वर्याने गायत्री मंत्राचा जप केला. ऐश्वर्या म्हणते, 'ज्या चेंबरमध्ये उमेदवार मुलाखती देतात, त्यात एक लाल रंगाचा दिवा जळत असतो, असं वाटतं की जणू काही ICU रुप आहे. मी जेव्हा आत गेले तेव्हा मात्र माझी भीती दूर झाली. कारण पॅनेल उमेदवारांशी अनौपचारिक सुरात, गप्पा मारल्याप्रमाणे, संवाद साधतात.' ऐश्वर्याची मुलाखत सुमारे २५ ते ३० मिनिटे सुरू होती. तिचा विषय इकॉनॉमिक्स होता. तिला विविध प्रकारचे प्रश्न विचारले. तिला काही मजेशीर प्रश्नही विचारले गेले. ती याविषयी सांगते, 'पॅनेलमधील एका महिलेने स्वत:च्या साडीविषयी प्रश्न विचारला. मी नेसलेल्या साडीबद्दल तुला काय माहिती आहे, असं विचारलं.' ऐश्वर्याने या प्रश्नाच्या उत्तरादाखल सांगितलं, 'जी साडी तुम्ही नेसली आहे, त्याबाबत मला माहिती नाही. शिवाय दूरून त्या साडीचा पोत कळणं कठीण आहे, पण हा, तुमची साडी खूप सुंदर आहे.' ऐश्वर्याने इतकं छान उत्तर दिलं की संपूर्ण पॅनेल तिच्या उत्तराने प्रभावित झालं. यूपीएससी २०१९ चा निकाल लागला आहे, गुणपत्रिका देखील जारी झाली आहे. ऐश्वर्या शोरेनचा रोल नंबर ०५०१४५२ आहे. तिला एकूण ९९७ गुण मिळाले आहेत. लेखी परीक्षेत ८०४ आणि मुलाखतीत १९३ गुण मिळाले आहेत. ऐश्वर्याने मुलाखतीत यूपीएससी २०१९ चा टॉपर प्रदीप सिंह पेक्षा देखील अधिक गुण मिळवले आहेत. प्रदीप सिंहला मुलाखतीत १५८ गुण होते.

from Career News in Marathi: Career News, मराठी Career बातम्या | Maharashtra Times https://ift.tt/31A1FTM
via IFTTT