Also visit www.atgnews.com
पुणे विद्यापीठ परीक्षांच्या निकालात २० ते ३० टक्क्यांची वाढ
करोनाच्या वाढत्या प्रादुर्भावामुळे परीक्षा पुढे ढकलल्याचा फायदा विद्यार्थ्यांना झाल्याचे समोर आले असून, सावित्रीबाई फुले पुणे विद्यापीठाने नुकत्याच घेतलेल्या अंतिम वर्षाच्या परीक्षांच्या निकालात सुमारे २० ते ३० टक्यांनी वाढ झाली आहे. पहिल्यांदाच बहुपर्यायी स्वरूपात आणि ऑनलाइन आणि ऑफलाइन पद्धतीने झालेली परीक्षा, विद्यार्थ्यांना अभ्यासासाठी मिळालेला वेळ आणि कमी काठिण्यपातळी यामुळे विद्यापीठाच्या परीक्षांच्या निकालात वाढ झाली. विद्यापीठ अनुदान आयोग आणि सुप्रीम कोर्टाच्या आदेशानुसार अंतिम वर्षाच्या परीक्षा घेणे बंधनकारक करण्यात आले होते. त्यानुसार सावित्रीबाई फुले पुणे विद्यापीठाने १२ ते ३१ ऑक्टोबरदरम्यान परीक्षा घेतली. परीक्षेपासून वंचित राहिलेल्या विद्यार्थ्यांसाठी नुकतीच फेरपरीक्षाही घेण्यात आली. काही अभ्यासक्रमांचे निकाल निकाल शंभर टक्के लागले आहेत. 'आतापर्यंत २१ अभ्यासक्रमांचे निकाल जाहीर झाले असून, येत्या दोन ते तीन दिवसांत सर्व निकाल घोषित होतील,' असे विद्यापीठाच्या परीक्षा व मूल्यमापन मंडळाचे संचालक डॉ. महेश काकडे यांनी सांगितले. 'ऑनलाइन परीक्षेत साठ प्रश्नांपैकी कोणतेही पन्नास प्रश्न सोडवायचे होते. नकारात्मक गुणपद्धतीही नव्हती. सरावसंचाचाही विद्यार्थ्यांनी वापर केला. त्यामुळे निकालात वाढ झालेली असू शकते,' असे विज्ञान तंत्रज्ञान शाखेचे अधिष्ठाता डॉ. मनोहर चासकर यांनी सांगितले. दरम्यान, ऑनलाइन परीक्षेवर विद्यापीठाचे फारसे नियंत्रण नव्हते. परीक्षेतील गैरप्रकार रोखण्यासाठी प्रॉक्टर्ड तंत्रज्ञानाचा वापर झाला नाही. त्यामुळे विद्यार्थ्यांनी एकत्रित पेपर सोडवणे किंवा इंटरनेटवरून माहिती घेऊन उत्तर देणे असे प्रकार केल्याचेही आरोप झाले होते. परीक्षा झाल्याच पाहिजेत, असा दणका सुप्रीम कोर्टानेही दिल्याने घ्यायच्या म्हणून या परीक्षा घेतल्या गेल्या. ऑनलाइन व बहुपर्यायी पद्धतीने परीक्षा घेताना पुरेशी काळजी घेतली गेली नाही. अनेक तांत्रिक चुकाही झाल्या. त्यामुळे निकाल वाढला. - प्रा. धनंजय कुलकर्णी, विद्यापीठ विकास मंच व परीक्षेसंदर्भातील याचिकाकर्ते लॉकडाउनच्या काळात विद्यार्थ्यांना अभ्यासासाठी अधिक वेळ मिळाला. परीक्षेचे स्वरूपही बहुपर्यायी होते. काठिण्यपातळीही किंचित कमी करण्यात आली होती. परंतु, कठीण परिस्थितीतही विद्यार्थ्यांनी मिळवलेले यश कौतुकास्पद आहे. प्रा. डॉ. एन. एस. उमराणी, उपकुलगुरू, सावित्रीबाई फुले पुणे विद्यापीठ
from Career News in Marathi: Career News, मराठी Career बातम्या | Maharashtra Times https://ift.tt/36kCJBd
via IFTTT
Also visit www.atgnews.com
Career News in Marathi: Career News
मराठी Career बातम्या | Maharashtra Times
Post a Comment
0 Comments