'टेकफेस्ट'मध्ये ऑनलाइन व्याख्यानांची मेजवानी

म. टा. विशेष प्रतिनिधी IIT Techfest: तंत्रप्रेमींचे लक्ष लागून राहणाऱ्या ''च्या 'टेकफेस्ट'मध्ये यंदा ऑलिम्पिक सुवर्णपदक विजेते नेमबाज अभिनव बिंद्रा, १४ वे दलाई लामा यांची व्याख्याने होणार आहेत. याचबरोबर विविध क्षेत्रांतील मान्यवरांची व्याख्यानेदेखील रंगणार आहेत. यंदा ही सर्व व्याख्याने ऑनलाइन पार पडणार असून, लाखो विद्यार्थ्यांना घरबसल्या ती पाहता येतील. डिसेंबर महिन्यात रंगणारा आयआयटी मुंबईचा टेकफेस्ट म्हणजे तंत्रप्रेमी तरुणांसाठी नेहमी पर्वणी असते. जगभरातील तंत्रज्ञान क्षेत्रातील विविध आविष्कार विद्यार्थ्यांना यात पाहायला मिळतात. त्याबरोबरच विविध मान्यवरांची व्याख्याने ऐकण्याची संधीही विद्यार्थ्यांना असते. यामुळे हा महोत्सव विद्यार्थ्यांच्या दृष्टीने विशेष ठरतो. यंदा हा महोत्सव ऑनलाइन साजरा होणार आहे. यासाठी आभासी प्रदर्शनापासून विविध तंत्रज्ञानाचा वापर करण्यात येणार आहे. 'महाराष्ट्र टाइम्स' या महोत्सवाचा मीडिया पार्टनर आहे. यावर्षी विविध नाविन्यपूर्ण विषयावर व्याख्याने आयोजित करण्यात आली आहेत. यात ऑलिम्पिक सुवर्णपदक विजेते अभिनव बिंद्रा, नोबेल पुरस्कारविजेते प्रा. विल्यिम फिलिप आणि प्रा. तासुकु होन्जे, डॉ. रघुनाथ माशेलकर, दलाई लामा आदींची व्याखाने होणार आहेत. सर्व विद्यार्थ्यांना उपयुक्त ठरतील अशी व्याख्याने आयोजित करण्याचा आयोजन समितीचा दरवर्षी प्रयत्न असतो. यानुसार वक्त्यांची निवड केली जाते. विद्यार्थ्यांना जागतिक स्तरावरील तज्ज्ञांचे विचार ऐकण्याची ही संधी असते. यंदा हा महोत्सव आभासी स्वरुपात होणार असून, ऑनलाइन व्याख्यानमाला सर्वात मोठी असेल, असा विश्वास आयोजकांनी व्यक्त केला आहे. या महोत्सवातील प्रदर्शनात व्हर्जिन हायपरलूप, सोशल रोबो, एल्टर-३ यासारख्या तंत्रविष्कारांना पाहण्याची विद्यार्थ्यांना संधी मिळणार आहे. तर झुरिच येथील ईटीएच, ग्रॅव्हीटी इंडस्ट्रीज, फ्लिर सिस्टिम्स, टेक्सास विद्यापीठ आदी संस्थांचाही यात सहभाग असेल.

from Career News in Marathi: Career News, मराठी Career बातम्या | Maharashtra Times https://ift.tt/3h6jxMw
via IFTTT