NEP मध्ये नसणार का आरक्षण? शिक्षणमंत्र्यांनी दिले उत्तर

New Education Policy and Reservation: नवीन राष्ट्रीय शिक्षण धोरणात (National Education Policy) अनुसूचित जाती, जमाती, ओबीसी आणि दिव्यांग प्रवर्गातील आरक्षणाच्या नियमांबाबत शिक्षण मंत्रालयाने (Education Ministry) निवेदन जारी केले आहे. माकपचे (CPI-M) सरचिटणीस सीताराम येचुरी यांनी पंतप्रधान नरेंद्र मोदी (PM Narendra Modi) यांना लिहिलेल्या पत्राला केंद्रीय शिक्षणमंत्र्यांनी उत्तर दिले आहे. काही दिवसांपूर्वी पंतप्रधानांना पाठवलेल्या या पत्रामध्ये सीताराम येचुरी यांनी प्रश्न उपस्थित केला होता की 'नवीन शिक्षण धोरणात शिक्षक, शिक्षकेतर भरती प्रक्रियेतील आरक्षण धोरणाचा उल्लेख करण्यात आलेला नाही. नवीन शैक्षणिक धोरण 2020 च्या माध्यमातून सरकारला एससी, एसटी, ओबीसी आणि दिव्यांग आरक्षण रद्द करायचे आहे का?' शिक्षणमंत्र्यांचे उत्तर केंद्रीय शिक्षणमंत्री डॉ. रमेश पोखरीयल निशंक (Dr Nishank) यांनी येचुरी यांच्या प्रश्नाचे उत्तर एका पत्राद्वारे दिले आहे. त्यात असे म्हटले आहे की - 'नवीन शैक्षणिक धोरण २०२० ला मान्यता मिळाल्यानंतर जेईई, नीट, युजीसी नेट, इग्नू अशा अनेक परीक्षा घेण्यात आल्या आहेत. अनेक शैक्षणिक संस्थांमध्ये भरती प्रक्रिया देखील करण्यात आली. परंतु आम्हाला कुठूनही आरक्षणाच्या नियमांचे उल्लंघन केल्याची कोणतीही तक्रार मिळाली नाही. अशा परिस्थितीत एनईपीच्या घोषणेनंतर ४-५ महिन्यांनी असा प्रश्न उपस्थित करणे माझ्या आकलनापलिकडचे आहे.' 'मी पुन्हा सांगू इच्छितो की अनुसूचित जाती, जमाती, ओबीसी, दिव्यांग आणि इतर सामाजिक-आर्थिक मागासवर्गीयांना शिक्षणाच्या प्रवाहात आणण्यासाठी जी काही यशस्वी धोरणे व कार्यक्रम चालू आहेत ते सुरूच राहतील. मी हे स्पष्टपणे सांगू इच्छित आहे की यासंदर्भात कोणतीही तक्रार आल्यानंतर माझे मंत्रालय योग्य ती कारवाई करेल.' पोखरियाल यांनी पुढे लिहिले की शेवटी आरक्षण संपवण्याच्या दाव्यांना छेद देत उलट मागासांना शिक्षणाशी जोडण्यावर नवं शिक्षण धोरण भर देते. त्यामुळे एनईपीअंतर्गत एक क्लस्टर बनवलं गेलं आहे. सामाजिक-आर्थिक वंचित गट (SEDG) नावाचे हे क्लस्टर तयार केले गेले आहे. ' 'याअंतर्गत शिक्षणाच्या बाबतीत काठावर उभे असलेले विशेष शैक्षणिक झोन ओळखून मागासवर्गीयांना शिक्षणाशी जोडण्यासाठी नवीन मोहीम आणि योजना राबवल्या जातील.

from Career News in Marathi: Career News, मराठी Career बातम्या | Maharashtra Times https://ift.tt/3lC6R0g
via IFTTT