अकरावीच्या एक लाख १६ हजार जागा रिक्त?

म. टा. विशेष प्रतिनिधी, मुंबई अकरावीच्या तीन नियमित आणि दोन विशेष फेऱ्यांनंतर अकरावीच्या किमान एक लाख १६ हजार ७३२ जागा रिक्त राहण्याची भीती व्यक्त होत आहे. यामुळे अनुदानित तसेच विनाअनुदानित ज्युनिअर कॉलेज बंद होण्याची भीतीही तज्ज्ञ व्यक्त करत आहेत. तर विशेष फेरी २ मध्ये अर्ज केलेले सुमारे ११ हजार विद्यार्थी प्रवेशाविना आहेत. अकरावीच्या तीन नियमित फेऱ्या झाल्यानंतर प्रवेश न मिळालेल्या विद्यार्थ्यांसाठी विशेष फेऱ्यांचे आयोजन करण्यात आले होते. दुसऱ्या विशेष फेरीची गुणवत्ता यादी मंगळवारी संध्याकाळी जाहीर करण्यात आली. या फेरीसाठी उपलब्ध असलेल्या एक लाख ७ हजार ३१२ जागांसाठी सुमारे ३२ हजार ३६८ विद्यार्थ्यांनी अर्ज केले होते. यापैकी २१ हजार ८३५ विद्यार्थ्यांना कॉलेज अलॉट करण्यात आले आहेत. यामुळे सुमारे १० हजार ५३३ विद्यार्थ्यांना या फेरीत प्रवेश घेता येऊ शकणार नाही. पहिल्या विशेष फेरीनंतर ऑनलाइन प्रक्रिया आणि विविध कोटांमधून एक लाख ८१ हजार ८२३ विद्यार्थ्यांनी प्रवेश निश्चित केले आहेत. तर या फेरीतील सर्वच विद्यार्थ्यांनी प्रवेश निश्चित केले, तरी यंदा अकरावीच्या रिक्त राहणाऱ्या जागांची संख्या वाढणार असल्याचे चित्र दिसत आहे. याचबरोबर अर्जातील चुका किंवा अयोग्य अथवा कमी कॉलेज पर्याय भरल्यामुळे सुमारे १० हजार ५३३ विद्यार्थी प्रवेशाविना आहेत. यामुळे रिक्त जागा भरण्यासाठी तसेच या विद्यार्थ्यांना प्रवेशाची संधी देण्यासाठी आणखी एका फेरीचे आयेाजन होण्याची शक्यता व्यक्त करण्यात येत आहे. हेही वाचा: शाखानिहाय झालेले प्रवेश शाखा -- उपलब्ध जागा -- प्रवेशित विद्यार्थी कला -- ३,७३० -- १८,०३१ वाणिज्य -- १,७३,५२० -- १,०१,६०२ विज्ञान -- १,०३,९१० -- ६०,१५२ एचएसव्हीसी -- ५,६६० -- २,०३८ एकूण -- ३,२०,३९० -- १,८१,८२३ हेही वाचा: हेही वाचा:

from Career News in Marathi: Career News, मराठी Career बातम्या | Maharashtra Times https://ift.tt/3olAJjL
via IFTTT