दिल्लीत आजपासून उघडल्या दहावी, बारावीसाठी शाळा

दिल्लीतील ९ महिन्यांच्या मोठ्या काळानंतर अखेर सोमवार १८ जानेवारीपासून उघडल्या. ते बारावीचे वर्ग प्रत्यक्ष सुरू करण्यात आले आहेत. दहावी आणि बारावीच्या विद्यार्थ्यांना प्रॅक्टिकल परीक्षा तसेच बोर्डाच्या लेखी परीक्षेची तयारी करण्यासाठी, असाइनमेंट पूर्ण करण्यासाठी शाळा उघडण्याचा निर्णय घेण्यात आला. विद्यार्थ्याना शाळेत पाठवण्यासाठी पालकांची लेखी परवानगी देखील आवश्यक आहे. या नियमांचे करावे लागेल पालन शाळांना राज्य सरकारने कोविड-१९ संदर्भात सर्व स्टँडर्ड ऑपरेटिंग प्रोसिजरचे (SOP) चे पालन करणे अनिवार्य केले आहे. शाळा प्रशासनाने सर्व वर्ग, प्रयोगशाळा आणि अन्य जागा निर्जंतुक करायचे आहे. विद्यार्थ्यांसाठी फेसमास्क आणि सॅनिटायझरदेखील उपलब्ध करायचे आहे. प्रत्येक प्रयोगशाळेच्या प्रवेशद्वाराजवळ सॅनिटायझर ठेवणे आणि विद्यार्थ्यांकडून त्याचा वापर करून घेणे, अनिवार्य आहे. दरम्यान, शाळा उघडण्याआधी दिल्लीचे शिक्षणमंत्री मनीष सिसोदिया यांनी Covid-19 प्रोटेकॉल संबंधी प्रत्येक शाळेच्या तयारीचे निरिक्षण करण्यासाठी एक आढवा बैठक घेतली होती. दहावी, बारावीचे विद्यार्थी आणि शाळा कर्मचाऱ्यांसाठी सरकारने काही मार्गदर्शक तत्वेही जारी केली आहेत. केंद्रीय शिक्षणमंत्री रमेश पोखरियाल यांनी घोषणा केलेला नव्या बोर्ड परीक्षेचा पॅटर्न समजून घेण्यासठी विद्यार्थ्यांची मदत करण्यासाठी शिक्षक सीबीएसई अभ्यासक्रम, मार्किंग पद्धत आणि परीक्षेसंदर्भातील गाइडलाइन्ससंदर्भात चर्चा करतील. इयत्ता दहावीच्या विद्यार्थ्यांसाठी प्री-बोर्ड परीक्षा २० मार्च ते १५ एप्रिलच्या मध्ये आणि बारावीच्या विद्यार्थ्यांसाठी प्री-बोर्ड परीक्षा १ एप्रिल ते १५ एप्रिलदरम्यान आयोजित केल्या जाणार आहेत.

from Career News in Marathi: Career News, मराठी Career बातम्या | Maharashtra Times https://ift.tt/3bOtDRB
via IFTTT