नीट पीजी २०२१ परीक्षेसाठी नोंदणी प्रक्रिया लवकरच

2021: २०२० परीक्षेच्या तारखांची घोषणा झाली आहे. ही परीक्षा १८ एप्रिलपासून सुरू होणार आहे. नॅशनल बोर्ड ऑफ एक्झामिनेशन (NBE) लवकरच या परीक्षेसाठी नोंदणी प्रक्रिया सुरू करणार आहे. बोर्ड परीक्षेसाठी अर्ज nbe.edu.in वर उपलब्ध करणार आहे. त्यानंतर उमेदवार ऑनलाइन नोंदणी करू शकतील. वैद्यकीय पदव्युत्तर पदवी अभ्यासक्रमांच्या प्रवेशांसाठी होणारी ही परीक्षा संगणक आधारित असेल. एनबीईने जारी केलेल्या नोटिफिकेशननुसार, जे विद्यार्थी ३० जून २०२१ रोजी वा त्यापूर्वी आपली इंटर्नशीप पूर्ण करतील, तेच पीजी परीक्षेसाठी अर्ज करू शकतील. अर्ज करण्यासाठी उमेदवारांना अधिकृत पोर्टल nbe.edu.in किंवा natboard.edu.in ला भेट द्यावी लागेल. नीट पीजीसाठी अर्ज करणाऱ्या उमेदवारांकडे NMC द्वारे मान्यताप्राप्त संस्थेची प्रोव्हिजनल वा स्थायी MBBS डिग्री असणे अनिवार्य आहे. तसेच एमसीआय द्वारे किंवा राज्य चिकित्सा शिबीराद्वारे जारी प्रोव्हिजनल किंवा स्थायी नोंदणी प्रमाणपत्र देखील असणे गरजेचे आहे. या व्यतिरिक्त नीट पीजी २०२१ साठी इच्छुक उमेदवारांनी ३० जून २०२१ रोजी किंवा त्यापूर्वी आपली एक वर्ष कालावधीची इंटर्नशीप पूर्ण केलेली असावी. परीक्षेचे आयोजन मास्टर ऑफ सर्जरी, डॉक्टर ऑफ मेडिसीन आणि पीजी डिप्लोमा अभ्यासक्रमांच्या प्रवेशांसाठी केले जात आहे. परीक्षेत मागील वर्षी १,६७,१०२ उमेदवारांनी नोंदणी केली होती, यापैकी १,६०,८८८ विद्यार्थ्यांनी परीक्षा दिली. ही परीक्षा संगणकीकृत असणार आहे. परीक्षेचा कालावधी साडेतीन तासांचा असेल. एकूण ३०० एमसीक्यू प्रश्न विचारले जातील. परीक्षेत नकारात्मक मूल्यांकन असेल. परीक्षेची भाषा इंग्रजी असेल. या परीक्षेत प्री-क्लिनिकल, क्लिनिकल, पॅरा-क्लिनिकल विषयांसह एमबीबीएस अभ्यासक्रमाशी संबंधित प्रश्न विचारले जातील. अधिक माहितीसाठी अधिकृत संकेतस्थळाला भेट द्यावी. हेही वाचा:

from Career News in Marathi: Career News, मराठी Career बातम्या | Maharashtra Times https://ift.tt/36Zm9YL
via IFTTT