उच्चशिक्षण एकाच शैक्षणिक संकुलात

पुणे : पुण्यातील विद्यार्थी-पालकांना उच्च शिक्षणातील व्यावसायिक आणि बिगर व्यावसायिक अभ्यासक्रमांची माहिती एकाच ठिकाणी मिळण्यासह त्यांच्या तक्रारी व समस्य़ांचे निराकरण तत्काळ होण्यासाठी टीचर्स ट्रेनिंग अॅकॅडमीचे शैक्षणिक संकुल महत्त्वाची भूमिका बजावणार आहे. या अॅकॅडमीच्या इमारतीत राज्य सामायिक प्रवेश परीक्षा कक्ष (सीईटी सेल), महाराष्ट्र राज्य तंत्रशिक्षण मंडळ (), तंत्रशिक्षण संचालनालय (), उच्च व तंत्रशिक्षण विभागाचे कार्यालय होणार आहे, तर सेंट्रल बिल्डिंगमधील उच्चशिक्षण संचालनालय आता 'एमएसबीटीई'च्या इमारतीत शिफ्ट होणार आहे. विद्यार्थीहिताचा विचार करून उच्च व तंत्रशिक्षण मंत्री उदय सामंत यांनी व्यावसायिक आणि इतर अभ्यासक्रमांशी संबंधित संस्था एकाच छताखाली आणण्याच्या दृष्टीने कार्यवाही करण्याचे स्पष्ट संकेत दिले आहेत. सध्या टीचर्स ट्रेनिंग अॅकॅडमीची इमारत पाच मजल्यांची असून, महापालिका प्रशासनाकडून आवश्यक त्या परवानगी घेऊन ती ११ मजल्यापर्यंत करण्याबाबत कार्यवाही करावी. या इमारतीत उच्च व तंत्रशिक्षण विभाग, 'एमएमबीटीई', 'डीटीई', 'सीईटी सेल'चे कार्यालय स्थापन करण्याची प्रक्रिया सुरू करावी. त्यासाठी आवश्यक निधी सध्या 'एमएसबीटीई' व 'सीईटी सेल'कडून उभारण्यात येईल, अशी सूचनाही सामंत यांनी अधिकाऱ्यांना केली. विद्यार्थी आणि पालकांना, त्यांचे शैक्षणिक प्रश्न सोडविण्यासाठी मुंबईत चकरा मारण्याची गरज पडू नये, या दृष्टीने इमारतीत कार्यालये स्थापन करण्यात यावीत. इमारतीत मंत्री, सचिव, संचालक, वरिष्ठ अधिकारी यांच्यासाठी कक्ष निर्माण करावेत. यात उच्च व तंत्रशिक्षण विभागाचे सचिव, एमएमबीटीई; तसेच 'डीटीई'चे संचालक, 'सीईटी सेल'चे आयुक्त महिन्यातून आवश्यकतेप्रमाणे राहून तक्रारींचा निपटारा करतील, अशी माहिती सामंत यांनी दिली. 'सीईटी सेल'चे कार्यालय मुंबईत असल्याने, विद्यार्थी-पालकांना विविध सीईटी परीक्षांच्या तक्रारी सोडविण्यासाठी मुंबईत जावे लागते; तसेच उच्चशिक्षणातील शैक्षणिक प्रश्नांची सोडवणूक करण्यासाठी मुंबईला चकरा माराव्या लागतात. अशा वेळी दोन्ही कार्यालये पुण्यात आल्यास विद्यार्थी, पालक, प्राध्यापक, प्राचार्य आदींची सोय होऊ शकते. उच्चशिक्षण संचालनालय मॉडेल कॉलनीत मॉडेल कॉलनीत 'एमएसबीटीई'ची इमारत असून, त्याच्या शेजारील जागेत टीचर्स ट्रेनिंग अॅकॅडमी होत आहे. 'एमएसबीटीई'च्या इमारतीच्या तळमजल्यावर 'डीटीई'चे कार्यालय आहे, तर पहिल्या मजल्यावर 'एमएसबीटीई'चे कार्यालय आहे. आता ही दोन्ही कार्यालये टीचर्स ट्रेनिंग अॅकॅडमीच्या इमारतीत स्थलांतरित होणार आहे. त्यामुळे या इमारतीचे नूतनीकरण करून, त्या जागेत सेंट्रल बिल्डिंगमधील उच्चशिक्षण संचालनालय स्थलांतरित होणार आहे. शिक्षण उपसंचालक कार्यालयाच्या परिसरातील पुणे विभागाचे उच्चशिक्षण सहसंचालक कार्यालयही येथेच होणार आहे. या इमारतीला लागूनच 'एमएसबीटीई'ची निवासी इमारत असून, त्याचे नूतनीकरणही करण्यात येणार आहे. या दोन्हींसाठी प्रत्येकी २५ लाख रुपयांचा खर्च अपेक्षित आहे.

from Career News in Marathi: Career News, मराठी Career बातम्या | Maharashtra Times https://ift.tt/3qI1ujC
via IFTTT