करिअर नियोजनाचं महत्त्व

सुचित्रा सुर्वे, ग्रोथ सेंटर शालेय/ कॉलेज जीवनापासून वास्तविक जगात स्थित्यंतराचा प्रत्येक व्यक्तीसाठी स्वतःचा अनोखा अनुभव असतो. म्हणूनच करिअर निवडण्याचा किंवा नाकारण्याचा निर्णय काही कालावधीत आणि विविध संबंधित घटकांचा काळजीपूर्वक विचार करून घेणं आवश्यक आहे. आपण स्वतःबद्दल आणि विविध व्यवसायांबद्दल पूर्वीपासून काय शिकलात यावर अवलंबून करिअर नियोजनाची कारणं भिन्न असू शकतात. अविचारानं घेतलेल्या निर्णयाचा परिणाम असंतोष आणि शैक्षणिक क्षेत्रातील खराब कामगिरीत होतो. हे सहसा उद्भवते जेव्हा नातेवाईक/मित्रांचा प्रभाव, पालकांची पसंती, टक्केवारी, सोपे पर्याय, ट्रेंड आणि इतर तत्सम पैलू यांसारख्या अनिश्चित कारणांवर आधारित करिअर निवडलेलं असतं. अविचाराने घेतलेल्या निर्णयांमुळे अभ्यासाला तोंड देण्यास असमर्थता, कामाबद्दल असंतोष, वैयक्तिक/व्यावसायिक जीवनात तणाव, निराशेचा सामना करावा लागू शकतो. प्रत्येकाला करिअर बदलण्याची मुभा मिळत नसल्यामुळे हे नियोजन लवकर आणि अंतिम ध्येय गाठण्यापर्यंत सुरू ठेवणं फार महत्त्वाचं आहे. खरंच इतकं महत्त्वाचं आहे का? असा प्रश्न तुमच्यापैकी बहुतेकांना पडला असेल. लक्षात घ्या, यशस्वी करिअर योगायोगानं घडत नाही. करिअर घडवण्यासाठी आणि त्यातून येणारे सर्व फायदे मिळवण्यासाठी आपल्याला स्वतःला काय हवं आणि ते साध्य करण्यासाठी काय करावं लागेल याचा विचार करणं गरजेचं आहे. येथेच करिअर नियोजनाचं आपणास मदत होईल. करिअर नियोजनाची आवश्यकता आणि त्यासंबंधित विविध फायदे आपण जाणून घेऊ या... - करिअर प्लॅनिंग आपल्याला आपल्या भविष्याची दिशा दाखवतं. - व्यक्तिमत्वाचा विकास आणि प्रगतीसाठी करिअर नियोजनाची नक्कीच मदत होते. - निवडलेल्या क्षेत्रात फलदायी काम करण्याची प्रेरणा मिळते. - नियोजन भविष्य सुरक्षित करण्यात महत्त्वपूर्ण भूमिका बजावतं. - आपणास शक्य तितक्या आर्थिक जोखीम आणि अनिश्चितता कमी करण्यात मदत करतं. - नियोजनामुळे नोकरीचे ट्रेंड्स, उद्योन्मुख तंत्रज्ञान आणि बाजारातील विविध मागण्यांस अनुसरून सक्षम होण्यास मदत होतं. - करिअर नियोजनाचा आणखी एक महत्त्वाचा फायदा म्हणजे मानसिक शांती प्राप्त होते. लक्षात घ्या, करिअर नियोजना बाबत हटवादी न राहता अपेक्षित यश/समाधान न मिळाल्यास योजनेचा नियमित आढावा घेणं आवश्यक आहे. जर काही अडथळ्यांचा सामना करावा लागला तर निराश होऊ नका. योजनेवर पुन्हा काम करण्याचा प्रयत्न करा आणि पुढे जा. काहीही बदललं तरी करिअर नियोजन आपल्याला आधार देण्यासाठी आणि आपल्याला यशाच्या मार्गावर घेऊन जाण्यासाठी महत्त्वाचं आहे हे विसरू नका.

from Career News in Marathi: Career News, मराठी Career बातम्या | Maharashtra Times https://ift.tt/2MMNdD9
via IFTTT