CMAT 2021 परीक्षा लांबणीवर, नव्या तारखा लवकरच

नॅशनल टेस्टिंग एजन्सी () ने कॉमन अॅडमिशन टेस्ट (CMAT) 2021 लांबणीवर टाकली आहे. यासंदर्भात एनटीएने जारी केलेल्या परिपत्रकात असं म्हटलंय की परीक्षा मार्च महिन्याच्या अखेरच्या आठवड्यात किंवा एप्रिल महिन्याच्या पहिल्या आठवड्यात आयोजित केली जाईल. यापू्र्वीच्या नियोजनानुसार ही परीक्षा २२ आणि २७ फेब्रुवारी रोजी होणार होती. ही परीक्षा लांबणीवर टाकण्याचे कारण आहे परीक्षेचा पॅटर्न. अखिल भारतीय तंत्रशिक्षण संस्था म्हणजेच एआयसीटीईने परीक्षेच्या पॅटर्नमध्ये बदल केला आहे. यानुसार २०२१ मध्ये घेण्यात येणाऱ्या परीक्षेत आणखी एक पर्यायी विभाग जोडण्यात आला आहे. ज्या उमेदवारांना इनोव्हेशन आणि आंत्रप्रिनरशीपमध्ये रस आहे, असे विद्यार्थी हा पर्यायी प्रश्न सोडवू शकतील. या नव्याने अॅड झालेल्या इनोव्हेशन आणि आंत्रप्रिनरशीप विभागात २५ प्रश्न असतील आणि हा विभाग सोडवण्यासाठी ३० मिनिटांचा कालावधी असेल. एनटीए आपल्या वेबसाइटवर CMAT 2021 परीक्षेच्या नव्या तारखा लवकरच जाहीर करणार आहे. पण ही परीक्षा मार्च २०२१ च्या अखेरच्या आठवड्यात किंवा एप्रिल २०२१ च्या पहिल्या आठवड्यात होण्याची दाट शक्यता आहे. ज्या उमेदवारांना आतापर्यंत या परीक्षेसाठी अर्ज केलेला नाही त्यांना अजूनही संधी आहे. CMAT 2021 परीक्षेसाठी नोंदणी करण्याची अंतिम मुदत २५ फेब्रुवारी आहे. शुल्क भरण्याची अंतिम मुदत २६ फेब्रुवारी आहे. ज्या उमेदवारांनी यापूर्वीच नोंदणी केली आहे, त्यांना त्यांच्या अर्जात दुरुस्ती करण्यासाठी अवधी दिला जाणार आहे. ही नोंदणी संपली की करेक्शन विंडो उघडेल. CMAT ही देशातील मॅनेजमेंट अभ्यसाक्रमांच्या प्रवेशांसाठी घेतली जाणारी राष्ट्रीय पातळीवरील परीक्षा आहे. या परीक्षेतील गुणांच्या आधारे एआयसीईटीईशी संलग्न संस्थांमधील मॅनेजमेंट पदवी अभ्यासक्रमांना प्रवेश दिला जातो.

from Career News in Marathi: Career News, मराठी Career बातम्या | Maharashtra Times https://ift.tt/2ZyUSs5
via IFTTT