पाचवी आणि आठवीची शिष्यवृत्ती परीक्षा पुन्हा लांबणीवर

Update: महाराष्ट्र राज्य परीक्षा परिषदेतर्फे (MSCE) घेण्यात येणारी इयत्ता पाचवी आणि आठवीची शिष्यवृत्ती () परीक्षा एक महिना लांबणीवर टाकण्यात आली आहे. ही परीक्षा २५ एप्रिल रोजी होणार होती. मात्र आता ही परीक्षा २३ मे २०२१ रोजी होणार आहे. कोविड-१९ विषाणूच्या वाढत्या प्रादुर्भावामुळे परीक्षा लांबणीवर पडली असण्याची शक्यता आहे. इयत्ता पाचवी आणि आठवीची राज्यातील सर्व जिल्ह्यांमध्ये एकाच दिवशी होणार आहे. आधीच्या वेळापत्रकानुसार ही परीक्षा २५ एप्रिल २०२१ रोजी होणार होती. मात्र राज्यात करोना संसर्गग्रस्तांची संख्या वाढत चालली आहे. या पार्श्वभूमीवर ही परीक्षा लांबणीवर टाकण्यात आल्याची शक्यता आहे. अर्थात यासंदर्भात जारी करण्यात आलेल्या परिपत्रकात परीक्षा लांबणीवर टाकण्यामागील कारणाचा उल्लेख करण्यात आलेला नाही. ही परीक्षा सर्वसामान्य परिस्थितीत जानेवारी-फेब्रुवारी महिन्यात आयोजित करण्यात येते. अर्जांना मुदतवाढ दरम्यान, शिष्यवृत्ती परीक्षेसाठी अर्ज करण्यासाठी शाळांना १० एप्रिल २०२१ पर्यंत मुदतवाढ देण्यात आली आहे. ही मुदत ३० मार्च २०२१ रोजी संपणार होती. ही अर्जप्रक्रिया यंदा ऑनलाइन होत आहे. अर्ज करण्यासाठी दुसऱ्यांदा मुदतवाढ देण्यात आली आहे.

from Career News in Marathi: Career News, मराठी Career बातम्या | Maharashtra Times https://ift.tt/39pKLee
via IFTTT