दहावी, बारावी परीक्षा: श्रेणी विषयांचा तिढा सुटला

म. टा. विशेष प्रतिनिधी, मुंबई इयत्ता दहावी व बारावीच्या विद्यार्थ्यांची श्रेणी विषयाची परीक्षा नेहमीप्रमाणे आयोजित करणे सध्या शक्य नाही. यामुळे या परीक्षा कशा घ्याव्यात, याबाबत शिक्षकांमध्ये संभ्रम होता. अखेर राज्य मंडळाने या परीक्षांसाठी मार्गदर्शक सूचना दिल्याने हा तिढा सुटला आहे. इयत्ता दहावी व बारावीच्या परीक्षांसाठी अभ्यासक्रमात २५ टक्के कपात करण्यात आली आहे. तसेच मूळ परीक्षा नियमित होणार असली, तरी श्रेणी विषयांच्या परीक्षेबाबत कोणतेही स्पष्टीकरण देण्यात आले नव्हते. यामुळे हे विषय शिकविणाऱ्या शिक्षकांमध्ये मोठ्या प्रमाणावर संभ्रम होता. मात्र शिक्षक प्रशिक्षणाच्या निमित्ताने मंडळाने या विषयांची परीक्षा नेमकी कशी घ्यावी व कसे गुण द्यावेत, याबाबत स्पष्टीकरण दिले आहे. यानुसार आरोग्य व शारीरिक शिक्षण विषयाची परीक्षा पुस्तकाच्या पहिल्या १५ पानांच्या आधारे घेतली जाणार आहे. याचबरोबर इतर विषयांच्या बाबतीतही मंडळातर्फे असे मार्गदर्शन करण्यात आले आहे.

from Career News in Marathi: Career News, मराठी Career बातम्या | Maharashtra Times https://ift.tt/3wcueEg
via IFTTT